नवलपरासी । टेलरिङ्ग व्यवसायी संघ नवलपरासीले पाँचौं वार्षिक क्यालेण्डर विमोचन गरेको छ ।
पश्चिम नवलपरासीको रामग्राम नगरपालिका वडा न.३ परासीमा टेलरिङ्ग व्यवसायी संघ नवलपरासीले पाँचौं वार्षिक क्यालेण्डर विमोचन कार्यक्रम सम्पन्न भएको हो ।
संघका अध्यक्ष राजु देवानको अध्यक्षतामा तथा रामग्राम नगरपालिकाको पुर्व नगर प्रमुख नरेन्द्र कुमार गुप्ताको प्रमुख आतिथ्यतामा कार्यक्रम सम्पन्न भएको हो ।
कार्यक्रमलाई सम्बोधन गर्दै पुर्व नगर प्रमुख गुप्ताले पुरानो शैलिकै व्यवसाय गरिरहदा बजारमा नटिक्ने अवस्था रहेकोले टेक्निकल पाटोलाइ ख्याल गरि व्यवसाय गर्नु पर्ने बताउनु भयो । साथै उहाले संघ भन्दा पनि संस्थाको रुपमा कार्य गर्दा मुनाफा हुने भएकोले एकजुट भएर अगाडि बढ्न आग्रह गर्नु भयो ।
कार्यक्रममा नेपाल जेसीजका निर्वतमान उपाध्यक्ष एवं रामग्राम जेसीजका पुर्व अध्यक्ष सन्दिप अग्रहरीले बजारमा प्रतिस्पर्धा भएकोले यहाँका स्थानिय बस्तुहरुको प्रवद्धनको लागि टेलरिङ्ग व्यसायिलाइ नयाँपन दिन जरुरी रहेको बताउनु भयो ।
सो कार्यक्रममा नेपाल जेसीजका निर्वतमान उपाध्यक्ष एवं रामग्राम जेसीजका पुर्व अध्यक्ष सन्दिप अग्रहरी , नेपाल मुस्लिम संघ नवलपरासीको कार्यवाहक अध्यक्ष बदरी आलम, पाल्हिनन्दन बहुमुखि क्यामपसको अध्यक्ष राधेश्याम पाठक,समाजसेवि विजय अग्रहरी, रामग्राम जेसीज वर्ष २०२३ का अध्यक्ष बेनि माध्व वस्याल, संघका महासचिव रामकेवल यादव लागएतले शुभकामना मन्तव्य दिनु भएको थियोे भने उक्त कार्यक्रमको संचालन रामग्राम जेसीजका महासचिव विष्णु राज रावले गरेका थिए ।
