नवलपरासी । पश्चिम नवलपरासीमा ४ लाख ६८ हजार २ सय मूल्य बराबरको अवैध मालसामान प्रहरीले बरामद गरेको छ ।
बुधवार प्रतापपुर गाउँपालिका वडा न.५ बैदौली बस्ने ईन्द्रजित यादवको घरमा भन्सार छली ल्याएको अवैध मालसामानहरु लुकाई छिपाई राखेको भन्ने गोप्य सूचनाको आधारमा इलाका प्रहरी कार्यालय बेलाटारीबाट प्रहरी निरिक्षक श्याम प्रकाश यादवको कमाण्डमा खटिएको प्रहरी टोली, बोर्डर आउट पोष्ट गुठी परसौनीका शसस्त्र प्रहरी निरिक्षक सन्तोष सापकोटाको कमाण्डमा खटिएको टोली र राजस्व अनुसन्धान बिभाग बुटवल रुपन्देहीबाट खटिएको संयुक्त टोलीले मालसामान बरामद लिएको हो ।
यादवको घरमा खानतलासी गर्दा डटपेष्ट (दाँत माझ्ने डावर मञ्जन ६९ कार्टुन,गोलो एण्ड लब्लि १२ कार्टुन र सानो कालो मटर ६३ बोरा अवैध रुपमा लुकाई छिपाई राखेको अवस्थामा बरामद गरेको प्रहरीले जनाइको छ ।
उक्त मालसामान बरामद गरी आवश्यक कारवाहीको लागी राजस्व अनुसन्धान विभाग बुटवल पठाइएको जिल्ला प्रहरी कार्यालय सुचना अधिकारी प्रहरी नायव उपरीक्षक भोजराज पाण्डेले बताए ।
