काठमाडौँ । ईङलिश प्रिमियर लिग अन्तर्गत म्यानचेस्टर युनाइटेड पराजित भएको छ ।गएराती सम्पन्न खेलमा म्यानचेस्टर युनाइटेड न्यूक्यासल युनाइटेडसँग १-० गोल अन्तरले पराजित भएको हो ।न्यूक्यासलको जितमा खेलको ५५औं मिनेटमा एन्थोनी गोरडोनले गरेको गोल नै खेलको निर्णायक गोल बनेको थियो ।
यो जितपछि न्यूक्यासलको १४ खेलमा २६ अंक भएको छ र लिगमा पाँचौं स्थानमा रहेको छ । त्यस्तै म्यानचेस्टर युनाइटेडको भने यो यस सिजनमा छैटौं हार हो । १४ खेलमा २४ अंक रहेको म्यानचेस्टर युनाइटेड सातौं स्थानमा रहेको छ ।
