काठमाडौँ । स्पेनिस ला लिगा अन्तर्गत रियल म्याड्रिडले ग्रानडालाई पराजित गरेको छ । गएराती सम्पन्न खेलमा रियल म्याड्रिडले ग्रानडालाई २-० गोल अन्तरले पराजित गरेको हो ।रियल म्याड्रिडको जितमा ब्राहिम डियाज र रोड्रीगोले एक एक गोल गरेका थिए ।यो जितपछि रियल म्याड्रिड ला लिगाको शिर्ष स्थानमा उक्लिएको छ । रियलको १५ खेलमा ३८ अंक भएको छ । त्यस्तै १५ खेलमा ३८ अंक नै रहेको गिरोना गोल अन्तरका आधारमा दोस्रो स्थानमा रहेको छ ।त्यसैगरी ग्रानडाको भने १५ खेलमा ७ अंक रहेको छ र अंक तालिकामा १९औं स्थानमा रहेको छ ।
