एनएसएल: वीरगन्ज युनाइटेड र झापाबीचको खेल गोलरहित बराबरीमा

काठमाडौँ। जारी नेपाल सुपर लिग (एनएसएल) अन्तर्गत वीरगन्ज युनाइटेड एफसी र झापा एफसीबीचको खेल बराबरीमा रोकिएको छ ।दशरथ रंगशालामा शुक्रबार सम्पन्न खेलमा वीरगन्ज युनाइटेड र झापा गोलरहित बराबरीमा रोकिएको हो । बराबरीपछि दुवै टिमले एक एक अंक बाँडेका छन् ।

 

यो बराबरीपछि झापा एफसी र वीरगन्ज युनाइटेड अझै जित विहिन भएका छन् । झापाको ४ खेलमा ३ अंक भएको छ भने वीरगन्ज युनाइटेडको ४ खेलमा २ अंक भएको छ ।

 

अब एनएसएल अन्तर्गत शनिबार दुई खेल हुने छन् । शनिबार पहिलो खेल काठमाडौँ रेजर्स र बुटवल लुम्बिनी एफसीबीच हुने छ भने दोस्रो खेल धनगढी एफसी र स्पोर्टिंग इलामबीच हुने छ ।

यो पोस्ट हेरेर/पढेर तपाईलाई कस्तो लाग्यो ?