काठमाडौँ । इङलिश प्रिमियर लिग अन्तर्गत एभर्टनले न्यूक्यासल युनाइटेडलाई पराजित गरेको छ । गएराती सम्पन्न खेलमा एभर्टनले न्यूक्यासललाई ३-० गोल अन्तरले पराजित गरेको हो ।
एभर्टनको जितमा डविट म्याकनेल, अबडोउलाए डोउकोरे र बेटोले एक एक गोल गरेका थिए । यो जितपछि एभर्टनको १५ खेलमा १० अंक भएको छ र लिगमा १७औं स्थानमा छ । एभर्टनलाई इपिएलले कारवाही स्वरूप १० अंक घटाएपछि यस सिजनमा पछि परेको छ ।
त्यसैगरी न्यूक्यासलको भने यस सिजनमा यो पाँचौं हार हो । यो हारपछि न्यूक्यासलको १५ खेलमा २६ अंक रहेको छ भने लिगमा सातौं स्थानमा रहेको छ ।
