कैलाली । सिकलसेल एनिमिया रोग बाट ग्रसित कैलालीको घोडाघोडी नगरपालिका–१ सुखड हिम्मतपुर मुक्त कमैया शिविरमा बसोबास गर्दै आएकी तारा कुमारी चौधरीलाई प्रकाश बडूवाल स्मृति प्रतिष्ठानले आर्थिक सहयोग गरेको छ । सुखडमा बसोबास गर्ने माहारुप बडूवालले आफ्नो स्व. नातिको नाममा सञ्चालित प्रकाश बडूवाल स्मृति प्रतिष्ठान बाट पीडित परिवार लाई १० हजारको आर्थिक सहयोग स्वरूप चेक हस्तान्तरण गरेका छन् ।
प्रकाश बडूवाल स्मृति प्रतिष्ठानले विभिन्न समयमा विपन्न परिवार राहत, शैक्षिक सामाग्री वितरण तथा आर्थिक सहयोग प्रदान गर्दै आएको माहारुप बडूवालले बताए । प्रतिष्ठानका संरक्षक समेत रहेका बडूवालले पीडित परिवारको लागि सबै क्षेत्रको सहयोगको आवश्यक रहेको बताउनुभयो । घरको आर्थिक अवस्था एकदमै नाजुक भएका कारण उपचार गर्न समस्या भएपछि पीडित ३३ वर्षिया तारा कुमारी चौधरी घरैमा थाला परेकी छिन् ।
हातमा सीप र श्रीमतीको साथ पाएपछि ह्विलचियरको सहायताले घरमै सानोतिनो व्यवसाय गर्दै आएको विपन्न चौधरीको परिवारमा एकाएक सिकलसेलका कारण गरी खाने अभिभावक नै थला परेपछि छविलाललाई औषधि उपचारसँगै परिवार कसरी पाल्ने भन्ने चिन्ताले गिजोलेको छ । मङ्सिर २४ गते घोडाघोडी अस्पतालमा सिकलसेल परीक्षण गर्दा पोजेटिभ देखिएपछि ताराको चार दिनसम्म अस्पताल भर्ना गरेर उपचार भयो । 
पहिलै शारीरिक अशक्त ताराको सिकलसेलकै कारण जोर्नी दुखाइको समस्या भएको चिकित्सकले बताएको छविलालले बताउनुभयो । ताराको हिपज्वन्टको हड्डीको अप्रेसन गर्नुपर्ने र त्यसको लागि काठमाडौँ जानुपर्ने भएपछि अहिले छविलाललाई आर्थिक जोहोको चिन्ताले सताएको छ ।
