काठमाडौँ । बंगलादेशले न्यूजील्याण्डविरुद्ध टी- २० खेलमा जित हासिल गरेको छ । जारी टी- २० सिरिजको पहिलो खेलमा बंगलादेशले न्यूजील्याण्डलाई ५ विकेटले पराजित गरेको हो ।
न्यूजील्याण्डले दिएको १३५ रनको लक्ष्य पछाएको बंगलादेशले १८.४ ओभरमा ५ विकेट गुमाउदै लक्ष्य पुरा गरेको थियो । बंगलादेशको जितमा लिटन दासले अविजित ४२ रन बनाएका थिए भने सौम्य सरकारले २२ तथा कप्तान नाजमूल होसैन शान्तो र टोवहिद हृदोयले १९-१९ रन बनाएका थिए ।
यस अघि पहिला ब्याटिंग गरेको न्यूजील्याण्डले जेम्स निशामको ४८ रनको मद्धतले २० ओभरमा ९ विकेट गुमाउदै १३४ रन बनाएको थियो । यो बंगलादेशको टी-२० क्रिकेटमा न्यूजिल्याण्डकै घरेलु मैदानमा जित हासिल गरेको पहिलो पटक हो । यो जितपछि ३ खेलको सिरिजमा बंगलादेश १-० ले अगाडी भएको छ । अब सिरिजको दोस्रो खेल शुक्रबार हुने तालिका रहेको छ ।
