काठमाडौँ । दक्षिण अफ्रिकाले भारतविरुद्धको जारी टेस्टको पहिलो इनिंगमा १६३ रनको अग्रता बनाएको छ ।टेस्टको तेस्रो दिन दक्षिण अफ्रिकाले पहिलो इनिंगमा ४०८ रन बनाएर अलआउट भएपछि पहिलो इनिंगमा १६३ रनको अग्रता बनाएको हो ।दक्षिण अफ्रीकाका लागि डीन एल्गरले सर्बाधिक १८५ रन बनाएका थिए भने मार्को जानसेनले अविजित ८४ रन बनाएका थिए । त्यस्तै डेभिड बेडिंगघमले ५६ तथा टोनी डी जोर्जीले २८ रन बनाएका थिए ।
त्यसैगरी भारतीय बलर जसप्रित बमराहले सर्बाधिक ४ विकेट लिए भने मोहमद सिराजले २ तथा श्रदुल ठाकुर, प्रसिद्ध कृष्ण र आर आश्विनले एक एक विकेट लिएका थिए ।यस अघि पहिलो इनिंगमा २४५ रन बनाएको भारतले अहिले आफ्नो दोस्रो इनिंगको ब्याटिंग शुरु गरेको छ ।
