कैलाली । कैलाली जिल्लाको बर्दगोरिया गाउँपालिका वडा नं ४ काे निमुवाबोझीमा रहेको श्री असल महिला कृषि सहकारी संस्था लिमिटेडको दसौँ वार्षिक साधारण सभा तथा भवन उद्घाटन कार्यक्रम सम्पन्न भएको छ । संस्थाले आफनो वार्षिक आय ब्यय सार्वजनिक गर्दै अगामी वर्षको योजना तथा कार्यक्रम पारित गर्दै साधारण सभा सम्पन्न गरेको हो ।
आर्थीक वर्ष २०७९/०८० काे आय व्यय सस्थाकी व्यवस्थापक रमेनी चौधरीले २ करोड २० लाख ६६ हजार ९ सय ९८ रुपैयाँ ५६ पैंसाको आय ब्यय विवरण सार्वजनिक गर्दै एक वर्षमा १ लाख १६ हजार ९ सय ६८ रुपैयाँ ७२ पैंसा खुद मुनाफा गरेको साधारण सभामा व्यवस्थापक चौधरीले सार्वजनिक गरेकी थिइन् । संस्थाकी अध्यक्ष पार्वती साउँदको सभापतित्वमा सम्पन्न भएको साधारण सभामा अतिथिहरुले कृषि र किसानको आवश्यकता पूर्ती गर्न सहकारीले योगदान गर्ने बताएका थिए । अतिथिहरुले सहकारीबाट बचत र ऋणका साथै कृषि क्षेत्रमा योगदान गर्ने, स्थानीयलाई संगठित गर्ने, समुह कार्यमा मदत गर्ने भएकाले सहकारीको मूल्य मान्यता अनुसार काम गर्न आग्रह गर्दै सभाको सफलताको शुभकामना दिएका थिए । 
कार्यक्रममा प्रमुख अतिथिको आसनबाट बोल्दै बर्दगोरिया गाउँपालिका वडा नं ४ का वडा अध्यक्ष जगत बहादुर शाहीले संस्थाले छोटो समयमा धेरैलाई संगठित गरेको र त्यसमा अधिकांश महिलाको सहभागिता भएकाले संस्थाको प्रंशसा गर्नु भएको थियो। सहकारी मार्फत एकीकृत गर्न सक्ने संस्था भएकोले सबैले एक जुट भएर सहकारीलाई जनमैत्री बनाउन आवश्यक रहेको बताए । शाहीले सहकारी एक अर्कालाई जोडनुको साथै साना साना पूँजीलाई एकीकृत गर्ने भएकाले त्यसको विकास र बिस्तारमा लाग्न सहकारीलाई आग्रह गरें । सहकारी सामाजिक परिर्वतन गर्ने सम्वाहकको रुपमा रहेकाले यसमा सबैको सहभागिता आवश्यक रहेको बताए । सरकारको तर्फबाट मात्र नभएर आफनो व्यक्तिगत रूपमा संस्थालाई सधैं भरी सहयोग गर्ने समेत बताए। त्यसैगरी विशिष्ट अतिथि सेवक नेपालका अध्यक्ष पवन भण्डारी र परियोजना संयोजक रञ्जित कुमार चौधरी रहनु भएको थियो। 
कार्यक्रममा संस्थाकी उपाध्यक्ष रमिता साउँदले स्वागत मन्तव्य व्यक्त गर्नुभएको कार्यक्रममा साना किसान सहकारी संस्था लिमिटेड बौनियाका सञ्चालक समितिका सदस्य हेमन्तराज जैशी,डफ युवा क्लबका अध्यक्ष घनश्याम कुँवर, सगरमाथा सामुदायीक वन उपभोक्ता समूहका अध्यक्ष वीर बहादुर डगौरा, असल सिर्जना कृषि सहकारी संस्थाकी अध्यक्ष कृष्ण घर्ति, इन्द्रेणी युवा क्लबका अध्यक्ष मान वहादुर साउँद, जगन्नाथ आधारभूत विद्यालयका शिक्षक बल बहादुर डगौरा र श्री सिर्जनशील ग्रामीण विद्युत सहकारी संस्थाका प्रबन्धक जगतराम बहादुर डगौरा गाउँका समाजसेवी तथा बुद्धिजिवी लगायतको सहभागिता रहेको थियो । कार्यक्रमको सञ्चालन संस्थाकी सहायक व्यवस्थापक आशिका चौधरीले गर्नु भएको थियो ।
संस्थामा हाल सम्म बर्दगोरिया गाउँपालिका वडा नं ४,५,र ६ वडाका ९५४ सेयर सदस्य रहेका छन् । उत्कृष्ट धान गहुँको बीउ उत्पादन गरेर सहकारीलाई दिएको भनी संस्थाले चार जना किसानलाई सम्मान गरेको छ । गायत्री मल्ल र श्रीराम चौधरीले धानको बीउ उत्पादन गरेर सम्मान पाएका हुन भने चुलुलाल चौधरी र राज मती डगौराले गहुँको बीउ उत्पादन गरेको भन्दै सम्मान पाएका थिए ।
