कैलाली। कैलालीको बर्दगोरिया गाउँपालिका वडा नम्बर २ मा रहेको आदर्श सामुदायिक विद्या मन्दिरद्वारा एक दिने दन्त परिक्षण शिबिर सम्पन्न भएको छ। जेसिस बौनिया २०२४ र मालिका दन्त सेवा प्रा. लिको सहयोगमा एक दिने निशुल्क दन्त परिक्षण शिबिर सम्पन्न भएको हो। शिबिर बाट निशुल्क चेक जाचमा ४१५ जना मध्य १५० जनाको दातमा समस्या आएकोले मालिका डेन्टल सेवा प्रा. लिमा थप औषधि तथा उपचारमा १० प्रतिशत छुट हुने भएको छ। ७५ जना विद्यार्थीको दातमा किराहरु लागेकोले उक्त शिबिरमा नै दात निकालेको आदर्श सामुदायीक विद्या मन्दिरका प्रधानाध्यापक बिकाश थापाले जानकारी दिएका छन्। शिबिरमा मालिका डेन्टल सेवा प्रा. लिका संचालक डेन्टल हाईजीनिस्ट केशब बहादुर शाही र उनका सहकर्मीहरुको साथमा शिबिर सम्पन्न गरेका हुन्।
