काठमाडौँ । पाकिस्तानको लाहोर शहर र भारतको नयाँ दिल्लीमा लगातर प्रदूषण बढेपछि वायु प्रदूषणको अवस्था गम्भीर श्रेणीमा पुगेको छ । लाहोरको गुणस्तर सूचकांक सोमबार ४८५ एक्यूआइ रहेको छ भने नयाँ दिल्लीको एक्यूआई ४३७ रहेको छ, जुन प्रदुषणको गम्भीर अवस्था हो । भारतको राष्ट्रिय राजधानी दिल्लीसहित उत्तर प्रदेश, हरियाणा र राजस्थानका पाँच प्रमुख सहरहरूमा वायु गुणस्तर सूचकांक ३०० नाघेको छ । सबैभन्दा खराब अवस्था दिल्लीको रहेको छ, जहाँ सोमबार बिहान वायुको औसत गुणस्तर ४ सय नाघेको छ ।
आइतबार दिल्ली बाहेक, उत्तर भारतका प्रमुख शहरहरू जहाँ एक्यूआइ ३०० भन्दा बढी थियो । जहाँ हरियाणाको बहादुरगढ ३३५ र सोनीपतको ३२१, यूपीको मुजफ्फरनगर ३०२ र राजस्थानको श्रीगंगानगरको ३२७ रहेको थियो । बुधबारसम्म राजधानीको हावा अत्यन्त कमजोर रहने मौसम पूर्वानुमान महाशाखाले जनाएको छ । आइतबार हावाको गति प्रतिघण्टा ५ देखि १५ किलोमिटर रहेको थियो । अबको दुई–तीन दिन यस्तै अवस्था रह्यो भने वायुको गुणस्तरमा सुधार आउने आशा कमै छ । साथै बिहान हल्का कुहिरो लाग्ने सम्भावना रहेको छ ।
भारतको नयाँ दिल्लीमा पियुसी नभएका ५४ हजार सवारी साधनलाई जरिवाना गरिएको छ । अक्टोबर १५ देखि ३१ सम्म राष्ट्रिय राजधानी र आसपासका क्षेत्रमा वायु प्रदूषण नियन्त्रण गर्ने मापदण्ड लागू नगरेको भन्दै ५६ निर्माण तथा भत्काउने स्थल बन्द गरिएको छ भने ५ सय ९७ साइटलाई जरिवाना गरिएको छ । यस अवधिमा वैध प्रदूषण नियन्त्रण प्रमाणपत्र (पीयूसी) नभएका ५४ हजार सवारीसाधनलाई जरिवाना समेत गरिएको छ भने उमेर हद नाघेका ३ हजार ९ सय सवारी साधन जफत गरिएको छ ।
दिल्ली-एनसीआरमा वायु गुणस्तर सुधार गर्न गठित केन्द्रीय प्यानल एयर क्वालिटी म्यानेजमेन्ट आयोगले आइतबार एक विज्ञप्तिमा यो जानकारी दिएको हो। आयोगले एनसीआरभर अवैध डम्पिङ साइटहरूको लागि ५ हजार ३०० भन्दा बढी गहन निरीक्षण गरिएको बताएको छ । आइतबार पञ्जाबमा पराल जलाउने २१६ घटनाहरू रिपोर्ट गरिको मिडिया रिपोर्टमा उल्लेख छ । पञ्जाब रिमोट सेन्सिङ सेन्टरको तथ्याङ्क अनुसार, सेप्टेम्बर १५ देखि अहिलेसम्म सम्म राज्यमा कुल ४ हजार १३२ पराल जलाउने घटनाहरू रिपोर्ट गरिएको छ ।
अर्कोतर्फ पाकिस्तानका शहरहरुमा पनि प्रदुषणको तह गम्भीर अवस्थामा पुगेको छ । मुल्तानको सोमबार बिहानको एक्यूआर ५२९ पुगेको छ भने लाहोरको ४५८ पुगेको छ । त्यस्तै पेशावरको १८० र रावलपिंडीको १७० एक्यूआइ पुगेको छ ।
