कैलाली । कैलाली जिल्लामा एक बहुउदेश्यीय सहकारी संस्था लिमिटेडको बार्षिक साधारण सभा सम्पन्न भएको छ । बर्दगोरिया गाउँपालिका वडा नम्बर २ बौनियामा रहेको किसान बहुउद्देश्यीय सहकारी संस्थाको ३० औँ बार्षिक साधारण सभा सम्पन्न भएको हो । सोमबार बौनिया बजार व्यवस्थापन समितिको हलमा आयोजिक कार्यक्रममा किसान बहउद्देश्यीय सहकारी संस्थाका सञ्चालक समितिका सदस्य सरोज कुमार शाहको सभापतित्वमा सञ्चालन भएको कार्यक्रममा बोल्दै कार्यक्रमका सभापति तथा संस्थाका सदस्य शाह भने संस्थाले स्थापनाकालमा मलखाद र खाद्यान्नको खरिद बिक्रि गर्ने गरेको यस संस्थाले २०५४ सालमा नेपाल राष्ट्र बैकंबाट सीमित बैकिङ् कारोबारको स्विकृति लिई बचत तथा ऋण सेवालाई प्रभावकारी रुपमा प्रदान गर्दै आएको पछि राष्ट्र बैकंले आफ्नो नियमन दायरा परिमार्जन गरेपनि अहिले सहकारी संस्थाले वित्तिय सेवा प्रवाहमा बैकंको नियमनमा रहँदा सिकेका राम्रा अभ्यासहरुके पालना गर्दै आएको बताएका छन ।
वर्तमान परिस्थितिमा सहकारी संस्था प्रति सर्वसाधारणको वितृष्णा, निराशा र आक्रोस फैलिरहँदा थिती र नीतिमा चल्न सके सहकारी संस्थामा विचलन नआउने कुरालाई आफ्नो संस्थाले सेवा ग्राहीहरुमा उत्साहजनक सेवा सुविधा दिएर उदाहरणीय काम गरी रहेको संस्थाका सदस्य शाहले बताए । उनले सहकारी यहाँसम्मको उचाईमा पुग्नुमा आम ग्राहक, बचतकर्ता सरोकारवालको भूमिका रहेको बताए । उनले संस्थाको मुख्य व्यवसायका रुपमा रहेको वित्तिय व्यवसाय हाल ४० वटा शाखा कार्यालय मार्फत भईरहेको बताउदै सदस्यहरुलाई आधुनिक वित्तिय सेवा प्रदान गर्न संस्थाले प्रविधिलाई परिष्कृत गर्दै आएको छ भने मोवाईल बैंकिङ, एटिएम , क्यु आर , इन्टरनेट बैंकिङ , खल्ती एप भुक्तानी लगायतका सेवा सुविधाहरु संस्थाले दिँदै आएको छ।
कृषि क्षेत्रमा किसान–कोप एग्रो मार्ट,एकिकृत कृषि फार्म,कोल्ड स्टोर, माटो परिक्षण प्रयोगशाला र कागती तथा फलफुल खेतीमा बिशेष कार्ययोजनाको साथ लागि रहेको सदस्य शाहले बताए ।
किसान–कोष मार्ट ब्राण्ड नाम राखेर संस्थाले सहकारी पसलहरु सञ्चालन गर्दै आएको र सदस्यहरुका स्थानीय उत्पादनलाई बजारिकरण गर्न तथा स्थानियलाई सहज रुपमा गुणस्तरयुक्त घरायसी उपभोग्य सामानहरु सरल सर्वसुलभ उपलब्ध गराउने उद्देश्यले २०७९ मा सञ्चालनमा ल्याएको बताएका थिए ।यस सहकारीको केन्द्र तथा शाखा कार्यालयहरुमा पुरुष–१९० र महिला १०५ गरी जम्मा २९५ जना कर्मचारीहरु कार्यरत रहेको सदस्य शाहले बताउनु भयो ।
संस्थाकी कर्मचारी निर्मला विनाडी (न्यौपाने)को स्वागत मन्तव्य सँगै सुरु भएको उक्त आयोजित कार्यक्रमको प्रमुख अतिथिमा बर्दगोरिया गाउँपालिका वडा नम्बर २ का वडा अध्यक्ष गोविन्द बिक रहनुभएको कार्यक्रममा अतिथिहरुमा बौनिया बजार व्यवस्थापन समितिका अध्यक्ष देवराज सिंह स्वार, समाजसेवी बुद्धिजीवी गणेशप्रसाद भट्ट र साधारण सभाकी प्रतिनिधि लक्ष्मी देवकोटा लगायतले शुभकामना मन्तव्य राख्नुभएको थियो । कार्यक्रममा विभिन्न सहकारी पदाधिकारी सदस्यहरुको उपस्थिति रहेको थियो । किसान बहुउद्देश्यीय सहकारी संस्थामा आवद्ध रहेका उकृष्ट बचतकर्ता, व्यवसायी, कृषकहरुलाई सम्मान पत्र वितरण गरेको थियो । वार्षिक साधारण सभामा विष्नु थापा क्षेत्री, नैनादेवी डगौरा, प्रविना कठरिया, डोगली कुमारी चौधरी, हिराकुमारी कठरिया, गजेन्द्र कुँवर लगायतलाई उत्कृष्ट सेयर सदस्यलाई सम्मान गरिएको छ। सोही कार्यक्रममा जर्मादेवी बुढा, पार्वती कुमारी शाही, डिलु देवी जैसीलाई कार्यक्रममा किसानको शिक्षा पदक वितरण गरिएको छ । जन्मदेखि मरणो परान्तसम्म किसान कोष अन्तर्गत कर्जा मिनाहा सुविधा धर्मे साउदकी श्रीमती पुनादेवी साउदले रु ३ लाख ८ हजार प्राप्त गरेकी छिन्। कार्यक्रमको सञ्चालन संस्थाका प्रमुख सन्तोष कुमार चौधरीले गर्नुभएको थियो। हालसम्म संस्थामा ८६ हजार शेयर सदस्यहरू आबद्ध रहेका छन्।
