कैलाली । कैलालीको बर्दगोरिया गाउँपालिका वडा नम्बर २ मा रहेको कुम्भिया ग्रामीण बिधुत सहकारी संस्थाको १२ औं बार्षिक साधारण सभा तथा ८ औ चुनावी सभा सम्पन्न भएको छ । सहकारी संस्थाका अध्यक्ष खगेन्द्र रानामगरको सभापतित्वमा भएको कार्यक्रमका प्रमुख अतिथि बर्दगोरिया गाउँपालिका वडा नम्बर २ का अध्यक्ष गोबिन्द बि क रहनु भएको थियो । यसै गरि बिशिस्ट अतिथिमा समाजसेवि उपेन्द्र बम, बौनिया बजार व्यवस्थापन समितिका अध्यक्ष देव राज स्वार, महालक्ष्मी ग्रामीण बिधुत सहकारीका अध्यक्ष अमर बम रहनु भएको थियो ।प्रमुख अतिथी वडा अध्यक्ष गोबिन्द बि क ले संस्थाले राम्रो काम गरेको छ ,अझै प्रगती गरोस भन्ने शुभकामना ब्यक्त गरे । यसै गरि वडा अध्यक्ष बि क ले संस्थाले पुरस्कार बितरण गर्दा उपभोक्तामा राम्रो सन्देश जाने र बक्यौता रकम नरहने हुदा यो राम्रो कार्य भएको बताए । उनले भने संस्थाको प्रगतिका लागि आफुहरुले पहिले पनि सहयोग गरेको र अझै पनि सहयोग गर्ने प्रतिबद्धता जनाए ।
आर्थिक बर्ष २०८०/०८१ को २५ लाख ,६७ हजार, २ सय ८८ रुपैयाँ बराबरको आय व्यय संस्थाका प्रबन्धक दिपक परियारले प्रस्तुत गरेका थिए । कुम्भिया ग्रामीण बिधुत सहकारी संस्थाका सदस्य मान बहादुर बिक ले स्वागत गरेको कार्यक्रममा मोतिभागिरथी आधारभुत बिधालय ब्यवस्थापन समितीका अध्यक्ष सन्तराम डगौरा, बिधालयका प्र अ टेक बहादुर बम , भलमन्सा गेदुवा डगौरा, समाजसेवी निर्प बहादुर शाह,खेम बहादुर बम लगाएतको सहभागिता रहेको थियो । कार्यक्रमको संचालन प्रबन्धक दिपक परियारले गरेका थिए ।
चुनावी साधारण सभाबाट अध्यक्षमा पुनः खगेन्द्र बहादुर रानामगर निर्वाचित भएका छन । यसै गरि उपाध्यक्ष हस्त बहादुर राना, सचिबमा कैलाश चौधरी, र कोषाध्यक्षम जानकी देवि डगौरा सर्वसहमती बाट निर्वाचित भएका छन । अन्य सदस्य हरुमा विशाल बम, अमर सिंह डगौरा,धौली दमाई र कमला बम, नृप बहादुर शाह निर्वाचित भएका छन । सहकारी संस्थाको सल्लाहकार संयोजकमा उपेन्द्र बम चयन हुदा लेखा समिती संयोजकमा टेक बहादुर बम चयन भएका छन ।
बिधुत सहकारीले महिनाको ११ गते देखि १४ गते सम्म बिधुत महशुल बुझाउने तीन जना उपभोक्ताहरुलाई पंखा दिएर पुरस्कृत गरेको छ । जसमा प्रदेशी डगौरा थारु, रतन सिंह कामी , र प्रेम चन्द डगौरा थारु लाई पंखाले पुरस्कृत गरेको हो । यसै गरि महिनाको ११ गते देखि १९ गते सम्म बिधुत महशुल बुझाउने १२ घर परिवारलाई छनौट गरि बल्ब लाईट बितरण गरेको छ । 
