कैलाली । “स्वास्थ्य, विकास र समृद्धिका लागि खेल” भन्ने मुल नाराका साथ कैलाली जिल्लाको बर्दगोरिया गाउँपालिकामा सातौँ संस्करण खुल्ला राष्ट्रव्यापी भलिबल प्रतियोगिता बुधवारदेखि सुरु भएको छ । साईनिङ्ग स्टार यूवा क्लबको आयोजनामा सञ्चालन प्रतियोगिताको बर्दगोरिया गाउँपालिकाका अध्यक्ष कर्णबहादुर कुँवरले उद्घाटन गरेका छन् ।
प्रतियोगिताको उद्घाटन गर्दै उनले खेलकुदले व्यक्तित्व विकाससँगै स्थानीय क्षेत्रको पहिचान जोडिएको बताए । खेलकुदले देशविदेशमा स्थानीय क्षेत्रलाई चिनाउन मद्दत मिल्ने बताउँदै उनले पालिकाले प्रतियोगिता सञ्चालनमा सक्दो सहयोग गर्ने प्रतिबद्धता समेत जनाए । उनले स्थानीय सरकारले खेलकुदलाई महत्वपूर्ण क्षेत्रका रुपमा लिएको बताए ।
उद्घाटन कार्यक्रममा क्लबका अध्यक्ष गोविन्द बहादुर बुडाक्षेत्रीले भने ग्रामीण भेगमा भलिबललाई सबैले रुचाउने गरेपनि क्लब एक विशुद्ध सामाजिक तथा गैरनाफामूलक संस्था भएकाले आर्थिक व्यवस्थापन नहुँदा वर्षेनी संघसंस्थासँग हात फैलाउनुपर्ने बाध्यता रहेको बताए । उनले वडा र पालिकाले आवश्यक बजेट विनियोजन गर्दै युवा तथा खेलकुदको विकासमा जोड दिन जनप्रतिनिधिको ध्यानाकर्षण गराए ।
प्रतियोगितामा प्रथम हुने टिमलाई १ लाख ३ हजार १ सय ५१ रुपैयाँसहित शिल्ड, मेडल र प्रमाणपत्र पुरस्कार पाउनेछन्। दोस्रो टिमलाई ४७ हजार १ सय ५१ रुपैयाँसहित शिल्ड, मेडल र प्रमाणपत्र पुरस्कार पाउनेछन् । र तृतिय टिमलाई ३१ हजार १ सय ५१ रुपैयाँ पुस्कारसहित शिल्ड, मेडल र प्रमाणपत्र पुरस्कार दिईने क्लबका अध्यक्ष बुडाक्षेत्रीले जानकारी दिए । भलिबल खेलमा बेस्ट स्पाईकर,बेष्ट सर्भर, बेष्ट ब्लकर, बेष्ट सटर , बेष्ट प्लेयर लगायतका बिधामा पनि छुट्टै पुरस्कारको व्यवस्था गरिएको आयोजकले जनाएको छ ।
प्रतियोगिताका विभिन्न ६ विधाका उत्कृष्ट खेलाडीलाई नगद ७ हजार ५ सय रुपैयाँसँगै मेडल र प्रमाणपत्र पुरस्कार प्रदान गरिनेछ ।
अनुशासित खेलाडीलाई मायाको चिनोबाट सम्मानित गरिने छ । बर्दगोरिया गाउँपालिकाको मुख्य प्रवर्द्धक रहेकोे प्रतियोगिताको मुख्य प्रायोजक बर्दगोरिया गाउँपालिका वडा नं ३ को वडा कार्यालय रहेको छ।
कार्यक्रममा विशिष्ट अतिथि बर्दगोरिया गाउँपालिकाका उपाध्यक्ष गणेश राज गिरी (लालदीप) र वडा नं ३ का वडा अध्यक्ष मनऋषि आचार्य रहनु भएको कार्यक्रममा अतिथिहरूमा वडा नम्बर १ का वडा अध्यक्ष मिथुन गौतम, वडा नम्बर ३ कि वडा सदस्य तथा न्यायपालिका सदस्य बसन्ती साउद, वडा सदस्य भावना बिक, वडा सदस्य रामबहादुर चौधरी, नेपाली कांग्रेस वडा नं ३ का वडा सभापति नन्दाराम बिष्ट, राष्ट्रिय स्वतन्त्र पार्टीका वडा नं ३ का कार्यसमिति सभापति चक्रबहादुर बिष्ट, राप्रपा वडा नम्बर ३ का वडा कार्यसमिति अध्यक्ष लिलाधर ओली, पूर्व वडा सदस्य तथा कार्यपालिका सदस्य कोकिला खत्री, पूर्व वडा सदस्य र न्यायपालिका सदस्य तथा रानीकुण्डा खानेपानी उपभोक्ता समूहका अध्यक्ष टंकराज ओली, जगदम्बिके भगवती माध्यमिक विद्यालय व्यवस्थापन समितिका अध्यक्ष मिलन ओली, प्रधानाध्यापक दिलराज गौतम, शिव शक्ति ग्रामीण विद्युत सहकारी संस्थाका कार्यवाहक अध्यक्ष यज्ञराज बन्तोला, न्यू लालीगुराँस ग्रामीण विद्युत सहकारी संस्थाका अध्यक्ष अर्जुन थापा क्षेत्री, रानीजरुवा सामुदायिक वन उपभोक्ता समूहका अध्यक्ष लालसिंह विश्वकर्मा, मुख्य प्रशिक्षक तथा रेफ्री विष्णु भाट, एनटिबीएस इंग्लिश बोडिङ्ग स्कूलका संस्थापक नवराज टमटा, मोतीभागरथी आधारभूत विद्यालयका सहायक प्रअ शिवराज गौतम र साइनिङ्ग स्टार युवा क्लबका निवर्तमान अध्यक्ष भेषराज जैसी लगायतले शुभकामना मन्तव्य राखेका थिए । क्लबका सचिव गणेश विश्वकर्माले सञ्चालन गरेको कार्यक्रममा क्लबका खेल संयोजक यज्ञराज बन्तोलाले स्वागत मन्तव्य राखेका थिए । आजदेखि सुरु भएको प्रतियोगिता चैत ५ गतेसम्म सञ्चालन हुनेछ ।
साइनिङ्ग स्टार युवा क्लबले लामो समयदेखि शिक्षा, स्वास्थ, पुर्वाधार विकास, मनोरञ्जन तथा खेलकुद क्षेत्रमा केन्द्रित भएर सामाजिक कार्यहरु गर्दै आइरहेको छ ।खेलकुदको विकासका लागि सबै एकजुट हुनपर्ने आयोजकको भनाइ छ । स्थानीय तथा राष्ट्रिय खेलाडीको सशक्तिकरण र क्षमता अभिवृद्धि गर्ने उद्देश्य अनुरुप क्लबले भलिबल प्रतियोगिता आयोजना गर्दै आएको आयोजकको भनाइ छ । खेलकुद क्षेत्रले बहुआयामिक महत्व राख्ने भएकाले स्वास्थ्य, मनोरञ्जन र विकाससँगै सामाजिक एकता, सद्भाव र पहिचान अभिवृद्धिमा टेवा पुग्ने विश्वास गरिएको छ ।
यस अघि रामजानकी मन्दिर संरक्षण समितिले चौथो संस्करणसम्म भलिबल प्रतियोगिता गर्दै आएपनी साईनिङ्ग स्टार युवा क्लबको आयोजनामा यो सातौँ खुल्ला राष्ट्रव्यापी भलिबल प्रतियोगिता हो ।
हरेक वर्ष फागुपूर्णिमा होलीको अवसरमा आयोजना हुँदै आएको प्रतियोगितामा विभिन्न जिल्लाबाट १० टोलीको सहभागिता रहेको आयोजक क्लबका अध्यक्ष बुडाक्षेत्रीले बताए ।
