मुम्बई। बलिउड सुपरस्टार आमिर खानले आफ्ना फ्यानहरुलाई खुसीको खबर दिएका छन् । विगत साढे तीन दशकदेखि चलचित्र क्षेत्रमा सक्रिय रहेका आमिर खान अहिले युट्युबमा पनि आफ्नो उपस्थितिको अनुभूति दिइरहेका छन् ।आमिरको आफ्नो व्यक्तिगत सामाजिक सञ्जाल एकाउन्ट नभए पनि उनको प्रोडक्सन हाउस ‘आमिर खान प्रोडक्सन’ सामाजिक सञ्जालमा सक्रिय रहन्छन । यस मार्फत आमिर आफ्ना फ्यानहरूसँग जोडिन्छन् र आफ्ना फिल्महरूसँग सम्बन्धित जानकारीहरू साझा गर्छन्। अब आमिरले युट्युब च्यानल खोलेका छन् र यसको पछाडि एउटा विशेष उद्देश्य रहेको छ ।
यो खबर आमिर आफैले आफ्नो प्रोडक्सन हाउसको सोसल मिडिया अकाउन्टमा सेयर गरेका छन् । क्याप्सनमा लेखिएको थियो, ‘सिनेमा, कथा र अनफिल्टर गरिएका पलहरू। हामीले कथाहरू सिर्जना गरेका छौं, जसले तपाईंलाई हसाउने, रुवाउने र तपाईंलाई सोच्न बाध्य तुल्याएको छ। अब हामी तपाईलाई आमिर खान टकिज मार्फत सिनेमाको नयाँ दुनियाँमा लैजान गइरहेका छौं, जुन संसार तपाईले पहिले कहिल्यै भ्रमण गर्नुभएको छैन। यहाँ तपाईंले पर्दा पछाडिका भिडियोहरू र फिल्महरूको बारेमा कुराकानीहरूमा प्रत्यक्ष पहुँच पाउनु हुनेछ।’
सामान्यतया, शाहरुख खान, सलमान खान, अमिताभ बच्चन र धर्मेन्द्र जस्ता बलिउड स्टारहरू सोशल मिडियामा धेरै सक्रिय छन् तर आमिर खान सोशल मिडियाबाट टाढा रहदैँ आएका छन्। उनी आफ्नो प्रोडक्सन हाउसबाट मात्रै फ्यानसँग जोडिएका छन् ।तर, अब उनले आफ्नो युट्युब च्यानल मार्फत फ्यानहरुलाई आफ्नो फिल्म उद्योगका विशेष र रोचक पक्षहरुसँग परिचित गराउने निर्णय गरेका छन् । सन् २०२५ मा आमिर खानका फ्यानका लागि खुसीको खबर छ किनभने उनी धेरै फिल्मको हिस्सा बन्न लागेका छन् । सन् २०२५ मा उनको कुनै पनि फिल्म रिलिज भएको छैन तर उनी आफ्नो सुपरहिट फिल्म ‘तारे जमीं पर’ को सिक्वेल ‘सितारे जमीं पर’मा देखिनेछन् ।
यस बाहेक उनी ‘कुली’ र ‘लाहोर १९४७’ जस्ता फिल्महरूमा पनि महत्वपूर्ण भूमिकामा देखिनेछन्। यी फिल्महरू मार्फत आमिर खानले आफ्ना फ्यानहरूलाई ठूलो पर्दामा नयाँ कथा र रोचक पात्रहरूसँग परिचय गराउन लागेका छन्।आमिर खानको यो युट्युब च्यानलको सुरुवात उनका फ्यानहरूका लागि एउटा नयाँ उपहार हो भन्न सकिन्छ, जहाँ उनीहरूले फिल्मको सुटिङका रोचक कथाहरू, पर्दा पछाडिका भिडियोहरू र आगामी फिल्महरूको जानकारी पाउने छन्। आमिरको यो कदमले उनको नयाँ दिशा देखाउँछ, जहाँ उनी आफ्नो फिल्म उद्योग भित्रका रोचक कुराहरु आफ्ना फ्यानहरुसँग सिधै सेयर गर्न चाहन्छन्।
