कैलाली । कैलालीको बर्दगोरिया गाउँपालिका वडा नम्बर ३ स्थित खैरेनीमा नव निर्मित वडा कार्यालय भवनको उद्घाटन गरिएको छ । अध्यक्ष कर्ण बहादुर कुँवरले पानसमा दिप बाली र शिला लेखको व्यानर उघारेर भवनको उद्घाटन गरेका हुन् ।
कार्यक्रम बोल्दै पालिका अध्यक्ष कुँवरले अब गाउँपालिकाको ६ वटै वडा कार्यालयको आफ्नै भवन भएको बताए । उनले वडा कार्यालयलाई पूर्वाधार र प्रविधि मैत्री बनाउन गाउँपालिकाले हर तरहले कोशिश गरेको बताए । आफ्नै भवनमा वडा कार्यालय सञ्चानल भएपछि वडावासीले राम्रो सेवा पाउने उनले बताए । वडा नम्बर ३ ले बिकासका रुपमा फडको मारेको बताउदै आगामी बजेटमा वडा नम्बर ३ को स्वास्थ्य ईकाईलाई थप प्रभाकारि बनाउन सहयोग गर्ने प्रतिबद्धता जनाए ।कार्यक्रममा बोल्दै उपाध्यक्ष गणेश राज गिरिले वडा कार्यालय बाट जनताका कामहरु छिटो छरितो हुनेमा आफू बिस्वस्त रहेको बताए । वडा कार्यालय भनेको जनता संग प्रत्येक्ष जोडिने भएको हुदा काम गरिखाने बर्ग किसान,मजदुरहरुले अब उपरान्त यश वडा बाट सम्मानका साथ सेवा पाउने कुरा आश गरेको बताए । आफुहरु सेवा गर्न आएका हौ, त्यसैले बाहिरका कुराहरुमा नलाग्न आम समुदायलाई आग्रह गर्दै उपाध्यक्ष गिरिले भने आम जनसमुदाय ,गरि खाने बर्ग र किशानका सेवक हौ ।
कार्यक्रममा बोल्दै प्रमुख प्रशासकिय अधिकृत बिक्रम श्रेष्ठले राज्यको संरचना अनुसार जनतालाई पालिकाबाट सेवा दिने र बाकी रहेका केही सेवाहरु वडाबाट दिनका लागि वडा कार्यालयहरु स्थापना भए अनुरुप आज यो वडा कार्यालय उद्घाटनले यहाँका जनताले घर आगनमा सहज तरिकाले सेवा पाउने कुरामा आफू बिस्वस्त रहेको बताए ।कार्यक्रममा बोल्दै वडा नम्बर १ का अध्यक्ष मिथुन गौतमले वडा कार्यालय उद्घाटन पश्चात् यश क्षेत्रका जनताले अब उपरान्त सेवा सहज रुपमा पाउने बताए ।कुलदेव निर्माण एण्ड बिल्डर्स प्रा लि ले १ करोड २९ लाखमा सो भवन निर्माण गरेको वडाध्यक्ष मनऋषि आचार्यले बताए । कार्यक्रममा वडा कार्यालय निर्माणार्थ जग्गा सहयोग गर्ने रत्नऋशी आचार्य,चिम्ती आचार्यलाई सम्मान पत्रले सम्मानित गरिएको थियो । वडा कार्यालयलाई ५ कठ्ठा जग्गा दाजुभाई मिलेर दान गरेका थिए । जग्गा दान गर्नेमा बर्तमान वडा अध्यक्ष मनऋषी आचार्य हुन । उनले २०७४ सालको निर्वाचनमा निर्वाचित कर्ने सुनारको टिमलाई ५ कट्ठा जग्गा दान गरेका थिए ।
सो अवसरमा संघीयताको करिब ७ वर्ष पछि कार्यकालमा वडाको आफ्नै भवन निर्माण भई उद्घाटन समेत गरिएकोमा वडाध्यक्ष आचार्यले खुशी व्यक्त गरे । उनले आफूले वडावासीलाई आफ्नो बलबुताले भ्याएसम्म सेवा दिएको र आगामी दिनमा अझै सहज तरिकाले सेवा दिने बताए ।
वडाध्यक्ष मनऋषी आचार्यको सभापतित्वमा भएको कार्यक्रममा बर्दगोरिया गाउँपालिका अध्यक्ष कर्ण बहादुर कुँवर प्रमुख अतिथी रहनु भएको थियो । यसै गरि कार्यक्रममा उपाध्यक्ष गणेश राज गिरि र प्रमुख प्रशासकीय अधिकृत बिक्रम श्रेष्ठ बिशिस्ट अतिथी रहनु भएको थियो । कार्यक्रममा वडा नम्बर १ का अध्यक्ष मिथुन गौतम ,वडा नम्बर २ का अध्यक्ष गोबिन्द बि क, वडा नम्बर ५ का अध्यक्ष भोलेराम चौधरी,शिक्षा शाखा प्रमुख नन्दा कुमारी भट्ट,कार्यपालिका सदस्य,वडा सदस्य ,विभिन्न संघ संस्थाका प्रतिनिधिहरुको सहभागिता रहेको थियो । कार्यक्रममा स्थानीय कलाकारहरुले नृत्य प्रस्तुत गरेका थिए । वडा सदस्य बसन्ती साउदले स्वागत गरेको कार्यक्रमको संचालन कर्मचारी विष्णु बिष्टले गरेका थिए ।
