पदम राज ओझा ,बौनिया – कैलालीको बर्दगोरीया गाउँपालिकामा श्री कृष्ण जन्माअष्टमीको अवसरमा हरेक वर्ष मनाउदै आएको आकाशे घैटाफोड कार्यक्रम हुने भएको छ । युवाहरुको अभियान स्थानिय कला संस्कृतिको पहिचान भन्ने नारा दिईएको आकाशे घैटाफोड कार्यक्रम सडकपुर बौनिया युवा क्लबको आयोजनामा यहि भाद्र ४ गते बौनियामा हुने शुक्रबार क्लबको बैठक बसि जानकारी गराईएको हो । साथै बैठक बाट पदाधिकारीहरुलाई विभिन्न जिम्मेवारी पनि प्रदान गरिएको छ । मंच ब्यबस्थापकको जिम्मेवारी अध्यक्ष जीवन बि सि संयोजक रहने गरि तीन सदस्यीय रहेको छ । यसै गरि आकाशे घैटाफोडका लागि वरिष्ठ उपाध्यक्ष धिरज शाही संयोजक सहित तीन सदस्यीय रहेको छ । यसै गरि सुरक्षा व्यबस्थापन तथा स्वयंसेवक परिचालनमा उपाध्यक्ष निर्प साउँद,भुई घैटाफोडको संयोजकमा सदस्य ठक्कर बम,पाईप चढ्ने संयोजकमा सचीव दिपक पाल, महिला हरुको कुर्सी दौडको संयोजकमा दुर्गा ताम्राकार र सास्कृतिक संयोजकमा हितेश ताम्राकार लाई जिम्मेवारी प्रदान गरिएको छ ।
लामो समय देखि बौनियाँ बजारको शानका रुपमा रहेको आकाशे घैटाफोड विगत केहि वर्ष देखि सडकपुर बौनिया युवा क्लबले आयोजना गर्दै आएको छ । आकाशे घैटाफोड कार्यक्रम अवलोकनका लागी कैलाली जिल्लाका करीब ३० हजार भन्दा बढि दर्शकले अवलोकन गर्ने अध्यक्ष जीवन वि सीले जानकारी दिए । बौनियामा घैटोफोड कार्यक्रम गर्दा यहाँको व्यपार व्यवसायमा पनि बृद्धि हुने महासचिव कृष्ण प्रसाद ओझाले जानाकरी दिए ।
विगतका वर्षहरुमा जस्तै एक दिन श्री कृष्ण जन्माअष्टीको भोली पल्ट कार्यक्रम संचालन हुने क्लबका वरिष्ठ उपाध्यक्ष धिरज शाहीले बताए । विगतका वर्ष भन्दा केहि फरक तरीकाले घैटाफोड गर्ने योजना रहेको वरिष्ठ उपाध्यक्ष शाहीले जानकारी दिए । यस वर्ष सुदुर पश्चिमका चर्चित देउडा खेलाउडीहरुको सहभागितामा देउडा खेलको पनि आयोजना गरीने अध्यक्ष वि सीले जानकारी दिए ।
कार्यक्रममा आकाशे घैटोफोडने टीमलाई नगद ४१ ह्जार रुपैया प्रदान गरीने महासचिव ओझाले जानकारी दिए । यसै गरी भुई घैटाफोडनेलाई ५ हजार १ सय,पाईप चढाईमा ५ हजार १ सय,महिलाहरुको कुर्सी दौडमा विजेता हुनेलाई ३ हजार एक सय प्रदान गरीने महासचिव ओझाले जानकारी दिए । यस बर्ष केही फरक तरिकाले जाने उद्देश्यका साथ क्लबले भाग्यशाली चिट्ठाको समेत प्रतियोगिता राखेको छ ।
चिट्ठाको पुरस्कारमा १ जनालाई साईकल, १ जनालाई राईस कुकर, १ जनालाई सानो श्यामसुङ्गको मोबाईल ,२ जनालाई स्मार्ट घडी , ४ जनालाई भित्ते घडी प्रदान गरिने क्लबका उपाध्यक्ष निर्प साउँदले जानकारी दिए । भाग्यशाली चिट्ठाको शुल्क २ सय ५ रुपैया मात्र तोकिएको छ । भाग्यशाली चिट्ठाको पुरस्कार घैटाफोड कार्यक्रमको उद्घाटन समारोहमा बितरण गरिने छ ।
