कैलाली –आसन्न मंसिर ४ गते सम्पन्न हुन गैरहेकाे प्रतिनिधि सभा र प्रदेश सभा निर्वाचनको मुखमा नेकपा एमाले कैलाली क्षेत्र नम्बर २ ले आफ्नो प्रतिबद्धता सार्वजनिक गरेको छ साेमबार सार्वजनिक गरेको २२ बुँदे प्रतिबद्धता पत्रमा प्रशासनिक सुधार तथा कानुन निर्माण लाई पहिलो प्राथमिकतामा राख्दा सामाजिक सुरक्षा लगायतका क्षेत्र लाई समेत साे प्रतिबद्धता पत्रमा समाबेश गरिएको छ । 
अहिले कैलाली जिल्ला निर्वाचन क्षेत्र नम्बर २ मा नेकपा एमाले पार्टीबाट प्रतिनिधि सभा सदस्य पदका लागि झपट बहादुर रावल उम्मेदवारकाे रुपमा अगाडि आउदा साे क्षेत्रकाे प्रदेश (क) मा कमला कुमारी ओली र प्रदेश (ख) डेजी पाण्डे चुनावी अभियानमा हाेमिएका छन् । झपट बहादुर रावल कैलाली क्षेत्र नम्बर २ का निवर्तमान सांसद समेत हुन रावलले प्रतिनिधि सभा निर्वाचन २०७४ का संयुक्त बाम गणबन्धन बाट उम्मेदवार हुदै गर्दा नेपाली कांग्रेस बाट उम्मेदवार बनेका माेहन सिह राठौर लाई पराजित गरेका थिए । रावलले कैलाली जिल्ला निर्वाचन क्षेत्र नम्बर २ मा पञ्चायती कालको अन्त्य पश्चात् यस क्षेत्र बाट निर्वाचित भएर गएका कुनै पनि सांसदले गरेको भन्दा दाेब्बर बढी काम गरेकोे आम जनमानसले बताउने गरेका छन् ।
२ (क) मा नेकपा एमाले पार्टिबाट प्रदेश सभा सदस्य पदको उम्मेदवार रहनु भएकी कमला कुमारी ओली संग राष्ट्रिय सभा सदस्यकाे रुपमा कार्य गरेको अनुभव रहेको छ । ओलीलाई महिला हक अधिकारका क्षेत्रमा निरन्तर ओकालत गर्दै आइरहेको एक याेद्धाकाे रुपमा समेत चिन्ने गरिन्छ ।
२(ख) मा नेकपा एमाले पार्टिबाट प्रदेश शभा सदस्य पदको उम्मेदवार रहनु भएको डेजि पाण्डेलाई एक बाैद्धिक नेताको रुपमा सबैले चिन्ने गरेका छन् । पाण्डे सुदुरपश्चिमकै सबैभन्दा ठूलो कैलाली बहुमुखी क्याम्पसकाे स्ववियु सभापति समेत रहिसक्नु भएको छ । कृषि लाई पहिलो प्राथमिकतामा राख्ने पाण्डे कैलाली क्षेत्र नम्बर २(ख) मा अहिले चुनावी माहोलमा हाेमियका उम्मेदवार मध्ये सबैभन्दा उत्कृष्ट र क्षमतावान उम्मेदवार रहेकाे यस क्षेत्रका आम सर्वसाधारणको बुझाइ रहेको छ ।
