नवलपरासी। पश्चिम नवलपरासीको प्रतापपुर गाउँपालिका वडा न.७ गुठी सुर्यपुरामा विश्वकर्मा पुजाको पावन अवसरमा तेस्रो वडाध्यक्ष कप भलिवल प्रतियोगिता सम्पन्न भएको छ ।
गुठी सुर्यपुरा युवा परिवारको आयोजना तथा वडा न.७ को संयोजनमा प्रतियोगिता भदौ ३१ गते देखि संचाल भएको तेस्रो वडाध्यक्ष कप भलिबल प्रतियोगितामा ३० भलिवल टिमहरुको सहभागिता रहेको थियो ।
प्रतियोगितामा माकर भलिबल टिमले डबिला भलिबल टिमलाई २ को विरुद्ध ३ सेटले पराजित गरि नगद २५ हजार सहित कप र मेडल जित्न सफल भएको थियो।
प्रतियोगिताको उपविजेता डबिला भलिबल टिमले नगद १५ हजार सहित कप र मेडल प्राप्त गर्न सफल भएको छ ।
भलिबल प्रतियोगितामा सुर्यपुरा भलिबल टिमले तेस्रो स्थान प्राप्त गरि नगद १० हजार सहित कप प्राप्त गरेको वडा न. ७ का वडाध्यक्ष हरेन्द्रर यादवले जानकारी दिनुभयो ।
त्यसैगरी भलिबल प्रतियोगितामा बाउन्न गढी भलिबल टिम भिठ्ठा सान्त्वना भएको छ भने सुर्यपुरा भलिबल टिमका मनिष महतो बेस्ट खेलाडी घोषित भएको आयोजकले बताएको छ ।
समापन कार्यक्रमका प्रमुख अतिथि प्रतापपुर गाउँपालिका अध्यक्ष उमेशचन्द्र यादवले खेलकुदको माध्यमबाट पनि युवा वर्गलाई जिल्ला र राष्ट्रिय तहसम्म पहिचान बनाउन सकिने धारणा राख्नुभयो ।
अध्यक्ष यादवले खेल नियमको परिधिभित्र रहेर खेल्ने खेलाडीले नै उत्कृष्ट नतिजा प्राप्त गर्न सकिने बताउदै यादवले प्रतापपुर गाउँपालिका अन्तर्गतका सबै वडाहरुमा युवाहरुको माग र चाहना बमोजिम थप खेल नीति बनाइ कार्यान्वयन गरिने जिकिर गरेका थिए।
अध्यक्ष यादवले राजनितिमा स्वच्छ प्रतिस्पर्धा हुनुपर्ने बताउदै अस्वस्थ प्रतिस्पर्धा गरेर अगाडी बढ्ने नेताहरू जनताबाट टाढिदै जाने र अन्त्यमा सत्य र न्यायको नै जित हुने विचार व्यक्त गर्नुभयो ।
“स्वास्थ्यका लागि खेलकुद, राष्ट्रका लागि खेलकुद” भन्ने मुल नाराका साथ आयोजना भएको भलिबल प्रतियोगिताको समापन समारोहमा जनप्रतिनिधि,खेलप्रेमी र ठूलो सङ्ख्यामा सर्वसाधारणको पनि उपस्थिति रहेको थियो।
कार्यक्रममा प्रतापपुर गाउँपालिका वडा न.७ का सचिव केशव तिवारी,पत्रकार महासंघ पश्चिम नवलपरासीका संस्थापक सदस्य आर.पि. उपाध्याय लगायतले शुभकामना सहित खेलकुदको महत्वमाथी प्रकाश पार्नुभएका थिए।
भलिबल प्रतियोगितामा भलिबलका राष्ट्रिय खेलाडी रामनाथ चौधरीले रेफ्रीको भुमिका निर्वाह गर्नुभएको थियो भने कार्यक्रम संचालन ब्यास मुनि कुशवाहाले गर्नुभएको थियो ।
