सुर्खेत। कुपोषण विरुद्ध लड्न मुगुमा सुपथ मुल्यमा स्तरोन्ती गरिएको (फोर्टिफाइड) चामल बिहिबारबाट बिक्रि बितरण सुरु गरिएको छ ।आम सर्वसाधारणको पहुँचमा पुग्ने गरि र सबै परिवारको स्वास्थ्य सुधारका लागि सुपथ मूल्यमा फोर्टिफाइड चामल बिक्रि गरिएको हो ।खाद्य व्यवस्था तथा व्यपार कम्पनी लिमिटेड कर्णाली प्रदेश कार्यालय प्रमुख माधव मिश्र, विश्व खाद्य कार्यक्रम (डब्लू एफपि)का कार्यक्रम यसोसियट रञ्जन कपाली र खाद्य व्यवस्था तथा व्यापार कम्पनी मुगु र जुम्लाका प्रमुख तथा डिपो कार्यालय श्रीकोट मुगुका प्रमुख सहितको टोली द्धारा बिहिबारबाट मुगुको खत्याड गाउँपालिका ११ रातापानीबाट विक्रि केन्द्रबाट बितरण सुरु गरिएको विश्व खाद्य कार्यक्रमका कार्यक्रम यसोसियट रन्जन कपालीले बताए।
उनका अनुसार खाद्य व्यवस्था तथा व्यपार कम्पनी लिमिटेड मुगुको सहयोगमा महिला उत्थान कृषि शहकारी संस्था लिमिटेडद्धारा संचालित सुपथ मूल्य पसलबाट बिक्रि बितरण सुरु गरिएको छ ।रातापानीमा बिहिबिार दुइसय क्वीन्टल चामल सुपथ मूल्यमा बिक्रि बितरण भएको छ ।खाद्य व्यवस्था तथा व्यपार कम्पनी लिमिटेड कर्णाली प्रदेश कार्यालय प्रमुख माधव मिश्रले स्तरोन्नति गरिएको (फोर्टिफाइड) चामलको महत्व र गम्भिर्यताको बारेमा प्रष्ट पार्दै यस्को सदुपयोगको लागि स्थानीय जनप्रतिनिधि लगायत उपभोक्तालाई अनुरोध गरेका छन् ।
खाद्य व्यवस्था तथा व्यपार कम्पनी लिमिटेड, खाद्य प्रबिधि तथा गुण नियन्तण कार्यालय, र विश्व खाद्य कार्यक्रम (डब्लू एफपि) अनुसार स्तरोन्नती गरिएको चामललाई बितरणमा ल्याउनेको २०१९ को सम्झौताको पहिलो बिक्रि बितरण बिहिबार गरिएको हो ।आगामी वर्षभरिमा साविकको कर्णाली अञ्चलका मुगु,हुम्ला,जुम्ला, कालिकोट र डोल्पामा ७४ हजार क्वीन्टल बिक्रि बितरणमा ल्याउने योजना बनाएको खाद्य व्यवस्था तथा व्यपार कम्पनी लिमिटेड कर्णाली प्रदेश कार्यालय प्रमुख माधव मिश्रले बताए ।
उनका अनुसार स्तरोन्नती गरिएको चामल तराईका किसानहरुबाट नेपाल सरकारको न्यूनतम सर्मथन मूल्यमा खरिद गरिएको अरुवा मोटा र अरुवा मकवानपुर धानलाई राजपुर बर्दिया सहित खाद्य कम्पनीको मिलबाट भिटामिन र मिनरल्स थपबाट स्तरोन्ति गरेर बिक्रिमा ल्याइएको हो ।त्यस्तै विश्व खाद्य कार्यक्रम (डब्लू एफपि)का कार्यक्रम यसोसियट रन्जन कपालीले फोर्टिफाइड चामलको बारेमा प्राबिधिक पक्षबारे स्पष्ट पार्नुभएको थियो । उक्त खाद्यन्न नेपाल सरकारको ढुवानी अनुदानमा प्रति केजी ५७ रुपैँयाका दरले बिक्रि वितरण हुनेछ ।उक्त कार्यक्रममा वडाका अध्यक्ष तथा अन्य प्रतिनिधिहरु र स्वयमसेविका लगायतको सहभागिता रहेको थियो ।
