कास्की । ठगी सम्बन्धी मुद्दाका फरार प्रतिवादी पोखरा महानगरपालिका-६ बैदाम बस्ने ४० वर्षीय मिलन पहारीलाई प्रहरीले पक्राउ गरेको छ । पोखरा महानगरपालिका-६ लेकसाइडस्थित फुटट्रायकमा फोटोग्राफी गरे बापत विभिन्न किसिमबाट धम्काई फोटोग्राफी व्यवसायी दर्ता नगरी ठगी गरेको खुल्न आएपछि जिल्ला प्रहरी कार्यालय कास्कीबाट खटिएको प्रहरीले उनलाई पक्राउ गरेको हो ।यसअघि सोही ठगीमा संलग्न वडा सदस्य सहित ४ जनालाई प्रहरीले पक्राउ गरी आपराधिक विश्वासघात तथा आपराधिक लाभ (एक्सटर्सन) सम्बन्धी मुद्दामा अनुसन्धान गरेको थियो । सोही अनुसन्धानको क्रममा पक्राउ परेका मिलनलाई प्रहरीले अदालतमा पेश गरेको छ ।
