मुगु । नेपाल पत्रकार महासंघ मुगु शाखाले ‘विनोद–सुमन’ क्रियासील पत्रकारिता पुरस्कारको घोषणा गरेको छ । बुधबार सम्पन्न सातौँ जिल्ला अधिवेशन तथा १३औँ साधारण सभामा महासंघका संस्थापक अध्यक्ष विनोद कुमार मल्ल र शाखाका पूर्वअध्यक्ष स्वर्गीय सुमन मल्लको नामबाट यो पुरस्कारको घोषणा गरिएको हो ।
मुगु जिल्लामा क्रियाशील पत्रकारमध्यबाट समावेशीलाई आधार मान्दै शाखाको जिल्ला अधिवेशनको बेला दुई जना पत्रकारलाई पुरस्कृत गरिने बताइएको छ । पुरस्कार रकम जुटाउन र पुरस्कृत पत्रकार छनोट गर्न शाखाले कार्यविधी बनाइ कार्य अगाडि बढाइने छ ।
संकलित रकम एउटा अक्षयकोष स्थापना गरेर त्यसैमा जम्मा भएको रकमबाट आएको ब्याजबाट पत्रकारलाई पुरस्कृत गरिने र यो कोष कम्तिमा पाँच लाखको बनाइने पत्रकार महासंघ मुगुका अध्यक्ष नृपेन्द्र बहादुर मल्लले बताए ।
उद्घाटन सत्रमा लामो समयदेखि पत्रकारिता गरिरहेका शाखामा आबद्ध तीन जना पत्रकार र शाखालाई विभिन्न समयमा आर्थिक, भौतिक तथा क्षमता विकासमा सहयोग गर्दै आएका ४ स्थानीय तह, १ गैरसरकारी संस्थालाई पनि सम्मानित गरिएको थियो ।
सम्मानित हुने पत्रकारहरुमा नयाँ पत्रीका राष्ट्रिय दैनिका जिल्ला समाचारदाता अच्युतराज भण्डारी, न्युज २४ मुगु समाचारदाता दानबहादुर बुढा र समाचार पत्र दैनिकका मुगु जिल्ला समाचारदाता वीरबहादुर बम रहेका छन् । स्थानीय तहहरुमा छायाँनाथ रारा नगरपालिका, खत्याड गाउँपालिका, सोरु गाउँपालिका र मुगुम कार्मारोङ गाउँपालिकालाई पनि पत्रकार महासंघ मुगुले सम्मान गरेको थियो । गैरसरकारी संघ संस्थाहरुमध्यबाट हिमाली ग्रामीण युवा समाज विकास केन्द्र ९हिरिसडेक० मुगुलाई सम्मानित गरिएको थियो ।
उद्घाटन सत्रको प्रमुख अतिथिमा समन्वय उपप्रमुख नैली कार्की, विशिष्ट अतिथिमा छायाँनाथ रारा नगरपालिकाका प्रमुख विष्णु कुमार भाम, विशेष अतिथिमा नेपाल पत्रकार महासंघ केन्द्रिय समितिका प्रतिनिधि विमल हमाल, सोरु गाउँपलिकाका उपाध्यक्ष केशरजंग शाही, सहायक प्रमुख जिल्ला अधिकारी हरि बहादुर खत्री र अतिथिहरुमा नेपाल निजामति कर्मचारी, नेपाल कर्मचारी युनियन केन्द्रिय उपाध्यक्ष कृष्णबहादुर सेजुवाल, ट्रेड युनियन मुगु अध्यक्ष रेशम बहादुर रावल, जिल्लास्थित सरकारी कार्यालयका प्रमुखहरु, शिक्षक महासंघ मुगुका अध्यक्ष विष्णुमाया भाम, गैरसरकारी महासंघका मुगु अध्यक्ष कर्णजंग शाही, मुगु उद्योग वाणिज्य संघका अध्यक्ष कमलबहादुर बुढा, बौद्धिक व्यक्तित्व देवबहादुर मल्ल र नागरिक अगुवा रुपबहादुर मल्ल रहेका थिए ।
उद्घाटन सत्रपछि सुरु भएको शाखाको बन्द सत्रमा सचिव जीवन सेजुवालले प्रस्तुत गरेको सांगठनिक प्रतिवेदन र कोषाध्यक्ष सुकमाया शाहीले पेश गरेको आर्थिक प्रतिवेदन सर्वसम्मत पारित गर्दै पाँच बुँदे प्रस्तावका अन्य निर्णय पनि सर्वसम्मत पारित गरेको थियो । मुगु शाखाको सातौँ जिल्ला अधिवेशन तथा १३औँ साधारण सभाको उद्घाटन र बन्द दुवै सत्र महासंघका केन्द्रिय प्रतिनिधि विमल हमालको रोहभरमा सम्पन्न भएको थियो ।
