कैलाली । कैलालीको बर्दगोरिया गाउँपालिका वडा नं-४ का २ सय ४० घरधुरीलाई सुधारिएको फलामको चुलो वितरण गरिएको छ।
बर्दगोरीया गाउँपालिका र बर्दगोरीया-४ को कार्यालय बाल कल्याण संघ टीकापुरको आर्थिक सहयोगमा वडा अध्यक्षले सोमवार त्यहाँका २ सय ४० घरधुरीलाई एक/एक थान फलामे चुलो वितरण गरेका हुन् ।
फलामे चुलोमा दाउराको खपत कम हुनाका साथै धुवाँको मात्रा कम हुने वडाअध्यक्ष जगत बहादुर शाहीले बताए। यस्ता चुलोको प्रयोगले वनजङ्गल संरक्षण र वायु प्रदूषण नियन्त्रणमा समेत टेवा पुग्ने उहाँको भनाइ थियो।
सुधारिएको फलामे चुलोलाई ढुङ्गा माटोबाट बनेको चुलो जस्तो लिपपोत गर्न नपर्ने भएकाले गृहिणीहरुलाई सहज भएको छ। फलामे चुलो पाएसँगै बर्दगोरिया-४ बासिले खुसी व्यक्त गरेका थिए।
