कैलाली । कैलाली जिल्लाको बर्दगोरिया गाउँपालिका वडा नम्बर ४ मा रहेको कालिका माध्यामिक विद्यालयले विद्यार्थीको दिवा खाजामा अनियमितता गरि शिक्षक शिक्षिकाले भोज खाएको भनी सामाजिक संजालमा गरिएका टीका टिप्पणीको विषयमा खण्डन गरिएको छ ।
विद्यालयका प्रध्यानाध्यापक उदय सिंह बीसीका अनुसार यो भिडियो सहित………
पालिकाको शैक्षिक क्षेत्रमा अग्रणी स्थानमा रहेको विद्यालयको बदनाम हुनेगरी सामाजिक संजालमा गरिएका पोस्ट सत्यहीन र तथ्यहीन भएको जनाएको छ । विद्यालयले एक प्रेस विज्ञप्ति जारी गर्दै सामाजिक संजाल फेसबुकमा फेक आइडी बनाएर विद्यार्थीको दिवा खाजाबाट विद्यालयमा कार्यरत शिक्षक शिक्षिकाले अनियमितता गरि भोज गरेको भनी गलत सन्देश फैलाएको भनी त्यसको खण्डन गरेको छ ।
विद्यालयका प्रध्यानाध्यापक उदय सिंह बीसीद्वारा हस्ताक्षरित विज्ञप्तिमा ०७९ को वर्षे विदाको दिन विद्यालयमा कार्यरत शिक्षक शिक्षिकाहरु मिलेर (तिजको दरखाने ) दिनमा सबै शिक्षक, शिक्षिका मिलेर आपसी रूपमा पैसा संकलन गरि खाजा खाएको र सोही विषयलाई गलत तरिकाबाट सामाजिक संजाल फेसबुकमार्फत नेपाल सरकारले विद्यार्थीको लागि उपलब्ध गराउदै आएको दिवा खाजाबाट शिक्षक शिक्षिकाले भोज गरेको भन्दै गलत सन्देश फैलाएको प्रति आपत्ति जनाउदै त्यस्तो निराधार प्रचार प्रति नलाग्न सबैमा आग्रह गरेको छ ।
प्रेस विज्ञप्ति यस्तो छ : जस्ताकाे तस्तै
उपरोक्त विषय सम्बन्धमा यस श्री कालीका मा बि ले बिगत देखी नै यस क्षेत्रमा शैक्षिक संगै सामाजिक कुरिती र कुसंस्कार विरुद्ध समाजमा शिक्षाको दिप प्रज्वलन गर्दै आइरहेको छ । यस क्षेत्रको शिक्षा का साथ साथै खेलकुद र प्राविधिक शिक्षामा विद्यालयले हाल सम्म पुप्याएको योगदान महत्त्वपूर्ण छ । बिद्यालयले गरेको योगदानमा यहाँहरुको सदैव साथ र सहयोग रहदै आएको पनि छ । शिक्षाको अखण्ड दिप प्रज्वलन गर्ने पवित्र मन्दिर ही विद्यालय यस विद्यालयले पनि सोही बमोजिम कार्य गर्दै आइरहेको छ । विद्यालयले दिएको योगदानलाई नजर अन्दाज गर्दै विद्यालयले मिति २०७९ को वर्षे बिदाको अन्तिम दिन १३ गतेका दिन शिक्षक शिक्षिकाहरुले मिलेर खाजा खाएको तस्विरलाई प्र अ उदय सि बि सी को आई डिमा अपलोड गरेको फोटालाई फेसबुकमा ‘देश भक्त मान्छे’ नामको फेक आई.डि बाट पोस्ट गरी विद्यालयको वदनाम गराउने काम गरेका हुनाले उक्त पोस्ट प्रति गम्भिर ध्यानाकर्षण भएको छ । यसरी सामाजिक संजालको दुरुपयोग गरी विद्यालयको बदनाम गराउने जो कोही व्यक्ति होस कानुनी दायरमा ल्याएर कडा भन्दा कडा कारवाही गर्ने कुरामा यहाँहरु सम्पूर्ण अभिभावकमा सहयोगको लागी हार्दिक अनुरोध गर्दछौ । सामाजिक सजलाको दुरुपयोग गरि यसरी फेक आई डी बाट समाज भड्काउने तथा अरुको बदनाम गर्ने कार्य दिन दिनै बढ्दै गएको छ । यस्ता व्यक्तिहरुलाई कानुन बमोजीम सजाय दिनु पर्दछ । त्यसैले सो व्यक्तिलाई cyber crime गरि कानुनी कठघरामा उभ्याउने कार्यमा सहयोग गरिदिनुहुन सम्पूर्णमा अनुरोध गरिन्छ ।
सामाजिक सञ्जालको दुरुपयोग गर्नेलाई यस्तो छ सजाय
सामाजिक सञ्जालको दुरुपयोग गरी व्यक्तिको मानहानी गरेमा दुई लाख रुपैयाँसम्म जरिवाना वा पाँच वर्ष कैद वा दुवै सजाय हुने भएकोले त्यस्ता गतिविधिमा संलग्न नहुन महानगरीय अपराध महाशाखाले अनुरोध गरेको छ।
केही समयदेखि सामाजिक सञ्जालको दुरुपयोग गरी व्यक्तिको इज्जत प्रतिष्ठामा आँच पुर्याउने गतिविधि बढ्दै गएकोले महानगरीय अपराध महाशाखाले सर्वसाधारणलाई त्यस्ता गतिविधिमा संलग्न नहुन आग्रह गरेको छ।
‘अपरिचित व्यक्तिहरूले पठाएको फ्रेण्ड रिक्विष्ट एसेप्ट गर्ने फेसबुक, ट्वीटर, भाइबर, इस्टाग्राम लगायतका सामाजिक संजालमा रहेका फोटोहरु तानी त्यस्ता फोटोहरु बिगारी, अश्लिल बनाई पोष्ट गरी ईज्जत प्रतिष्ठामा आँच पुर्याउने, अश्लिल भिडियोहरु बनाई पठाउने, शेयर गर्ने, व्यक्ति एंव संघ संस्था उपर जनमानसमा भ्रम सृजना गर्ने कुराहरु लेखी अपमान एंव गालिगलौज गरी कमेण्ट गर्ने जस्ता गतिविधि बढ्दै गएको छ । सामाजिक संजालको दुरुपयोग गरी विद्युतीय स्वरूपमा गैह्रकानूनी कुरा प्रकाशन गर्नेलाई विद्युतीय कारोबार ऐन, २०६३ अनुसार दुई लाख रुपैयासम्म जरिवाना वा पाँच वर्ष कैद वा दुवै सजाय हुने व्यवस्था छ।’
