कैलाली । हिजो पहाडी जिल्लामा र आज तराईका जिल्लामा होली खेलेर यो पर्व मनाउने परम्परा छ। असत्यमाथि सत्यको विजयको प्रतीक, पारिवारिक एवं सामाजिक एकताको पर्वका रुपमा पनि यो पर्व मनाउने प्रचलन छ। होली एक आपसमा विभिन्न रङ तथा अबीर लगाएर मनाउने चलन छ। ‘स्वच्छ खेल, समृद्ध भलिबल हाम्रो नारा, स्वच्छ गाउँपालिका निर्माणमा हाम्रो अभिभारा’ भन्ने नारा सहित फागु पूर्णिमाको अवसरमा कैलाली जिल्लाको बर्दगोरिया गाउँपालिका वडा नं ३ रानीकुण्डामा रहेको पशुपति युवा क्लवको आयोजनामा होलीको पर्वको अवसरमा आयोजित भलिबल प्रतियोगिता आज दोस्रो दिन पनि विभिन्न ठाउँहरूका खेलाडी हरुले खेल देखाएका थिए । हिजो बाट सुरु भएको प्रतियोगिता बाट लम्कीचुहा, रितिका कम्प्युटर सेन्टर नौनीया र आयोजक पशुपति युवा क्लव रानीकुण्डा सेमिफाइनलमा प्रवेश गरेका छन्। 
न्यू जोती आधारभुत विद्यालयको प्राङ्गणमा आज भएको पहिलो खेलमा पहिलो सेटमा मोहन्याल गाउँपालिका वडा नं १ चायाभावरले ३०-२८ ले जितेको लम्की चुहाले खेलको दोस्रो सेट २५-१८ ले गुमायो । त्यस्तै खेलको तेस्रो सेट लम्कीचुहाले २५-२१ ले जित्यो र सेमिफाइनलमा प्रवेश गरेको हो । आजै भएको दोस्रो खेलमा साइनिङ्ग स्टार यूवा क्लबलाई रितिका कम्प्युटर सेन्टर नौनीयाले २५-२३ ले जित्यो । दोस्रो सेटमा साइनिङ्ग स्टार यूवा क्लबलाई रितिका कम्प्युटर सेन्टर नौनीयाले २४-२६ जित्यो । त्यस्तै खेलको तेस्रो सेट रितिका कम्प्युटर सेन्टर नौनीयाले २५-२२ ले जित्यो र तेस्रो खेलमा झकडपुरलाई घोडाघोडीले २५-२० ले जित्यो र दोस्रो सेटमा २५ र १५ सेमिफाइनलमा प्रवेश गरेको हो । चौथो हुने खेलमा शान्ति मावि फलेबिसौनाका खेलाडी समयमा नपुगे पछि आयोजक (ए) ले वाकओभर दिएको थियो । आज भएको अन्तिम खेलमा पहिलो सेटमा लम्कीचुहाले २५-१६ ले जितेको रितिका कम्प्युटर सेन्टर नौनीयाले दोस्रो सेट २५-११ ले गुमायो । त्यस्तै खेलको तेस्रो सेट लम्कीचुहाले २५-२३ले जित्यो र फाइनलमा प्रवेश गरेको हो । जिल्ला भरिका ९ टिमको सहभागिता रहेको छ । प्रथम पुरस्कार ११ हजार १ सय ११ रूपैयाँ र दोस्रो हुनेले ५ हजार १ सय ११ रूपैयाँ रहेको छ । नगद ट्रफी,मेडल र प्रमाण पत्र प्रदान गरिने आयोजकले जानकारी दिएको छ ।
