कैलाली । विद्यालय व्यवस्थापन समितिका लागि बालकन्या माध्यमिक विद्यालयको अभिभावकहरुको भेलाले आज विद्यालय सञ्चालक समितिको सदस्यका लागि चार जना अभिभावकको नाम शिफारिस गरेको छ ।बर्दगोरिया गाउँपालिका वडा नं. १ का वडाध्यक्ष मिथुन गौतमको प्रमुख आतिथ्यतामा बसेको अभिभाकहरुको भेलाले सर्वसम्मत रुपमा ४ जनाको नाम चयन गरेको हो । बर्दगोरिया गाउँपालिका शिक्षा प्रमूख नन्दा कुमारी भट्ट , कार्यपालिका सदस्य सरस्वती कामी उपस्थित हुनभएको थियो।सो भेलाले अभिाभवकका तर्फबाट विद्यालय व्यवस्थापन समितिको सदस्यमा सावित्रा खतिवडा,कथमा देवी बुढा,कौषब महतारा,चक्र बहादुर विष्टलाई सर्वसम्मतीबाट चयन गरेको हो । विद्यालय व्यवस्थापन समिति चयनका लागि वडा कार्यालयको तर्फबाट १ जना र अध्यक्ष बाट एकजना मनोनित गर्ने व्यवस्था शिक्षा ऐनले गरेको छ । विद्यालयका प्रधानाध्यापक सदस्य सचिव रहनेगरी सदस्यहरु मध्येबाट अध्यक्ष चयन गर्ने प्राबधान रहँदै आएको छ ।