कैलाली । कैलाली जिल्लाको एक गोठमा आगलागी हुँदा एक गाई एक गाईको बाच्छो र एक बाख्राको पाठो जलेर घाइते भएका छन्। कैलाली जिल्लाको बर्दगोरिया गाउँपालिका वडा नं ३ प्रति टोल स्थीत एक गोठमा आगलागी हुँदा गोठ पूर्णरुपमा नष्ट भएको छ।
इन्द्र राज गिरीको उक्त गाई गोठमा आगलागी हुँदा एक गाई एक गाईको बाच्छो र एक बाख्राको पाठो जलेर घाइते भएका छन्। जानकी गिरी र यशोदा गिरी आगो निमाउदा घाइते भएका हुन् ।
ईलाका प्रहरी कार्यालय बौनियाका प्रहरी निरीक्षक महेश विक्रम शाहीले शुक्रबार दिनको २ : ४० बजेको समयमा गोठमा आगलागी भएको बताए । गोठमा इन्द्र राज गिरीका छोरा ६ वर्षका बच्चाले लाईटर लगेर आगो लगाएको बताए । एक गाई र एक गाईको बाच्छो र एक बाख्राको पाठो जलेर घाइते भएको बताए। आगलागी भएको करिब दुई घण्टापछि स्थानीयहरुले आगो नियन्त्रणमा लिएको स्थानियहरुले बताएका छन्। ८० हजार बराबरको गोठमा रहेका सालका कडी, पटरा, खामा, दाउरा,पराल जलेर नष्ट भएको बताए। 
