कैलाली । कैलाली जिल्लामा अवस्थित बर्दगोरिया गाउँपालिकाले एक सार्बजनिक सूचना जारी गर्दै मदिरा, चुरोट, सुर्ती तथा सुर्तीजन्य पदार्थको विज्ञापन सामग्रीको प्रचार प्रसार नगर्न र नगराउन ध्यानाकर्षण गराएको छ । बिहिबार एक सार्बजनिक सूचना मार्फत गाउँपालिकाले जनस्वास्थ्य प्रतिकूल हुनेखालका सामग्रीको प्रचार रोक्न सञ्चार माध्यमलाई सचेत गराएको हो ।
बर्दगोरियाका प्रमूख प्रशासकिय अधिकृत अर्जुन सिंह कार्की द्वारा जारी सार्बजनिक सूचनामा आम सञ्चार माध्यम लगायतका विद्युतीय माध्यममा मदिरा, चुरोट, सुर्ती तथा सुर्तीजन्य पदार्थको विज्ञापन सामग्रीको प्रचार प्रसार भइरहेको भन्दै गाउँपालिकाको ध्यानाकर्षण भएको जनाइएको छ ।
‘जनस्वास्थ्य सेवा ऐन, २०७५ को दफा ४५ को उपदफा (१) मा ‘मदिरा, चुरोट, सुर्ती तथा सुर्तिजन्य पदार्थलगायतक मानव स्वास्थ्यलाई प्रतिकूल असर गर्ने कुनै पनि विज्ञापन सामग्रीको उत्पादन, वितरण तथा प्रचार प्रसार गर्न पाइने छैन’ भन्ने व्यवस्था रहेको छ ।’
सार्वजनिक सूचनामा भनिएको छ, ‘यसविपरीत विभिन्न सञ्चार माध्यम,लगायतका विद्युतीय माध्यममा मदिरा, चुरोट, सुर्ती तथा सुर्तीजन्य पदार्थको विज्ञापन सामग्रीको प्रचार प्रसार भइरहेको सन्दर्भमा बर्दगोरीया गाउँपालिकामा यसकिसिमका विज्ञापन सामग्री सम्प्रेषण नगर्न र नगराउन सम्पूर्ण सञ्चार माध्यमलाई यसै सार्बजनिक सूचना आह्वान गर्दछ ।’
सार्बजनिक सूचनामा भनिएको छ । उपरोक्त विषयको सम्बन्धमा माननीय सर्वोच्च अदालतले २०७९/११/११ गते सुर्तिजन्य पदार्थको प्रवद्र्धन तथा विज्ञापन गर्न निषेध गर्ने सम्बन्धमा सम्बन्धित सबैलाई सुर्तीजन्य पदार्थको प्रवद्र्धन, वितरण र विज्ञापन नगर्न अन्तरिम आदेश जारी गरेको भए पनि र मदिराजन्य पदार्थ, तर प्रचलित कानुन विपरित सार्वजनिक स्थानमा आमसञ्चार माध्यम, सडक, सडकलगायत स्थानमा प्रचार प्रसार तथा विज्ञापन हुन बाँकी रहेको वातावरणमा हालसम्म गरिएका प्रचार तथा विज्ञापनहरू तत्काल हटाउन अनुरोध गरिन्छ । १८ वर्ष मुनिका मानिसहरू र गर्भवती महिलाहरू पनि। अन्यथा अनुगमनका क्रममा पाइएमा प्रचलित कानुन बमोजिम कारबाही गरिने जिल्ला प्रशासन कार्यालय कैलालीको मिति २०८०/०१/१४ को प्रमुख जिल्ला अधिकारी स्तरको निर्णय थियो । यसका लागि सम्पूर्ण बर्दगोरिया गाउँपालिका, विज्ञापनदाता, विज्ञापन एजेन्सी तथा सरोकारवालाहरुमा पुन: यो सूचना मार्फत जानकारी गराइन्छ ।
