कैलाली । विप्लव नेतृत्वको (नेकपा) पार्टीले कैलालीको जोशीपुर गाउँपालिकामा सर्वसाधारण नागरिकलाई ठगी गरेर भूमाफियाहरुले नामसारी गरेको जमिनमा पार्टीको झण्डा गाडेर कब्जा गरेको छ । बिहीबार नेत्र विक्रम चन्द विप्लव नेतृत्वको नेपाल कम्युनिस्ट पार्टीले अनुप चन्द र अब्दुल महोम्मद बागवानको नाममा भूमाफियाहरुले किर्ते गरी नामसारी गरेको जमिनमा पार्टीको झण्डा गाडेर कब्जा गरेको हो । वडा नम्बर ४ खर्चुवा बस्ने खुसीराम डगौराको ०–६–१० धुर जमिनलाई अटो रिक्सा दिलाउने भन्दै बैकमा धरौटी राख्ने भनी प्रताप पुर बस्ने भूमाफिया सार भनिने नारद जोशीले जाल साजी गरी आफ्नो नाममा राजीनामा पास गरी अन्यलाई बेच्दै डगौराले अटोको किस्ता तिरी सके पछि लाल पुर्जा निकाल्न खोज्दा किर्ते गरी राजीनामा गरेको पाइए पछि उक्त जमिन पार्टीले कब्जा गरेको सचिव आर्यनविरले जानकारी गराए । त्यसै गरी त्यसै ठाउँ बस्ने लक्षिराम डगौराको ०–९–३ धुर जमिनलाई पनि ठिक त्यसै गरी अटो निकाली दिने भनेर ज्वाला देवी अटो मोटर प्रालीले बैकमा धरौटी राख्ने भनेर दिएको लालपुर्जा आफ्नो नाममा गरेको नेपाल कम्युनिस्ट पार्टीले जनाएको छ ।जोशीपुर गाउँपालिका ईन्चाज राम सि, अन्य पार्टीका कार्यकर्ताहरू र स्थानीय जनताको रोहबरमा जनतालाई बेघर बनाउने कार्य विरुद्ध विरोध गर्दै उक्त जमिन कब्जा गरेको बताईएको छ । लक्षिराम चौधरी र खुसीराम डगौरा दुवै जना पीडितहरूले सरकारले आफ्नो पीडा नबुझेको बताउँदै नेपाल कम्युनिस्ट पार्टीले बुझेकोमा खुसी व्यक्त गरेका छन् ।