नवलपरासी । पश्चिम नवलपरासी प्रहरीले भारतबाट भन्सार छली चोरी पैठारी गरी ल्याउदैँ गरेको सामान प्रहरीले नियन्त्रणमा लिएको छ ।
सोमबार बिहान सरावल गाउँपालिका वडा न. ४ गोबरहिया चोक स्थितमा अबैध रुपमा भारतबाट भन्सार छलि नेपाल तर्फ युपी ५६ के ६८०८ नम्बरको भारतीय मोटरसाइकलमा कुर्ता सुरवाल ८१ पिस र ओम लेखेको टिसर्ट सानो ठुलो गरी ६ सय २५ पिस अबैध कपडाहरू ल्याउदै गरेको भन्ने सुचनाको आधारमा प्रहरी चौकी गोबरहियाबाट प्रहरी सहायक निरीक्षक हरी अधिकारीको कमाण्डमा खटिएको गस्ती टोलीले मोटरसाइकल सहित सामान नियन्त्रणमा लिएको जिल्ला प्रहरी कार्यालयका सुचना अधिकारी प्रहरी नायव उपरीक्षक भेजराज पाण्डेले बताउनुभयो ।
प्रहरीलाई देख्ने बित्तिकै मानिस मोटरसाइकल तथा सामान छोडि फरार भएको छ ।
उक्त नियन्त्रणमा लिएको सामानको मुल्य १ लाख ८७ हजार ९ सय ८० बराबरको रहेको छ भने नियन्त्रणमा लिएको सामान सहित मोटरसाइकल आवश्यक कार्वाहीको लागि भन्सार कार्यालय महेसपुर पठाउने कार्य भइरहेको प्रहरीले जनाएको छ ।
