कैलाली। लम्कीमा सांगीतिक महोत्सव तथा व्यापार मेला पुस ५ गतेबाट कैलालीको लम्कीचुहा नगरपालिकामा सांगीतिक महोत्सव तथा व्यापार मेला हुने भएको छ ।
सामुदायिक रेडियो पश्चिम आवाजको आयोजनामा यही पुस ५ गतेदेखि पुस १६ गतेसम्म लम्कीमा सांगीतिक महोत्सव तथा व्यापार मेला हुन लागेको हो ।
‘शिक्षा, सूचनाको विकासको अभियान, कृषि, व्यापार, संस्कृति र पर्यटन हाम्रो पहिचान’ भन्ने मूल नारा रहेको महोत्सवमा करिब डेढ लाख दर्शकहरूले अवलोकन गर्ने अनुमान गरेको महोत्सव आयोजना समितिका संयोजक खडानन्द सापकोटाले जानकारी दिए ।
आज बुधबार लम्की जेसिज हलमा महोत्सवको विषयमा पत्रकार सम्मलेनको आयोजना गर्दे आयोजकले महोत्सवमा स्थानीय तथा राष्ट्रिय कलाकारको बेजोड प्रस्तुति रहने बताएको छ । महोत्सव स्थलमा स्थानीय संस्कृतिको झल्को दिने थारू गाउँ, मगर गाउँ सहित रमाइलो मेला सहितका पर्याप्त मनोरञ्जनका स्टलहरू रहने छन् । त्यस्तै महोत्सवले स्थानीय सहित प्रदेशभरिका पर्यटन, उद्योग, संस्कृति प्रर्वद्धनमा टेवा पुग्ने विश्वास आयोजक संस्थाको रहेको छ ।
५० लाखसम्मको कारोबार गर्ने अनुमान गरिएको महोत्सवबाट बचत भएको रकम सार्वजनिक सम्पत्तिको रुपमा रहेको सामुदायिक रेडियो पश्चिम आवाजको अधुरो भवन निर्माण तथा स्तरोन्नतिका खर्च गरिने बताइएको छ ।
लम्कीचुहा सहितका क्षेत्रमा व्यापारमा टेवा पुगाउने महोत्सवको सफलताको लागि सबैले आफ्नो आफ्नो क्षेत्रबाट सहयोग गर्न मूल समितिका संयोजक खडानन्द सापकोटाले आग्रह समेत गरेका छन् । पत्रकार सम्मेलनमा महोत्सव मुल आयोजक समितिका संयोजक खडानन्द सापकोटा, उप संयोजक तथा आर्थिक संयोजक दीपक कुमार तिमिल्सेना, सदस्य गणेश राज ओली, मनिष न्यौपाने, वि.पि. खनाल, खेमराज न्यौपाने, इन्द्र देवकोटा, राम बहादुर विष्ट लगायतको उपस्थिति रहेको थियो । 
