कैलाली । कैलाली जिल्लाको मोहन्याल गाउँपालिका वडा नम्बर ७ राजकाँडाकाे आमपानीमा अवस्थित श्री बरगदा सामुदायिक वन उपभोक्ता समुहको ७ औं वार्षिक साधारण सभा बुधवार सम्पन्न भएको छ ।
सामुदायिक वन उपभोक्ता समुहका अध्यक्ष केश वहादुर रावलको सभापतित्वमा भएको कार्यक्रमका प्रमुख अतिथी मोहन्याल गाउँपालिका वडा नं ७ का वडाध्यक्ष नवराज कठायत रहनु भएको थियो । यसै गरि बिशिस्ट अतिथिमा सामुदायीक वनका पूर्व अध्यक्ष राजेन्द्र प्रसाद मुडभरी र चिसापानी सव डिभिजन वन कार्यालयका प्रमुख पूर्ण वहादुर विष्ट रहनु भएको थियो ।
कार्यक्रममा बोल्दै प्रमुख अतिथी कठायतले वनले समुदायलाई फाईदा पुग्ने हुदा बन जोगाउन आवस्यक रहेको बताउनु भयो । साथै वडा अध्यक्ष कठायतले वन समितीले आर्थिक पारदर्शीताका संगै उपभोक्ता हरुलाई सस्तोमा काठ दाउरा उपलब्ध गराउनु पर्ने बताउनु भयो ।
सामुदायिक वनका सह- सचिव टीकाराम धामीले आर्थिक वर्ष २०७९ / ०८० को ६ लाख ५४ ह्जार ३ सय ९८ रुपैयाँ ६६ पैंसा बराबरको आय ब्यय प्रस्तुत गर्नु भएको थियो ।
सामुदायिक वनकी सदस्य नामसरा बुढाले स्वागत गरेको कार्यक्रममा समाजसेवि बुद्धी देवी रावल, धन सिंह भण्डारी, इन्द्र बहादुर शाही, उज्जल बडुवाल,आन्तरिक लेखा परीक्षणका संयोजक कल प्रसाद जैशी , शिक्षक खकेन्द्र देवकोटा,लगाएतकाले शुभकामना मन्तव्य राख्नु भएको थियो ।
कार्यक्रमको संचालन पत्रकार दीपक रावलले गर्नु भएको थियो । कार्यक्रमको समापन गर्दै वन जोगाउन एक जना अध्यक्ष मात्र भएर नहुने भन्दै अध्यक्ष केश वहादुर रावलले सबै उपभोक्ताहरु जागरुक हुनुपर्ने बताउनु भयो ।
सो सामुदायीक वन ४४२.१२ हेक्टर क्षेत्रफलमा फैलिएको यस वनमा ४ सय ४२ घर आवद्ध रहेका छन् भने १६ सय ७० कुल जनसंख्या रहेकाे पाइन्छ। कार्यक्रममा २३० जना उपभोक्ताको सहभागीता रहेको थियो।
