कैलाली । प्रथम मुख्यमन्त्रि पालिका स्तरीय कैलाली जिल्ला व्यापी फुटबल प्रतियोगिता २०८० को उपविजेता बनेका घोडाघोडीका खेलाडीहरुलाई नगरपालिकाले सम्मान तथा धन्यवाद ज्ञापन गरेको छ । शुक्रबार एक कार्यक्रमको आयोजना गरि घोडाघोडी नगरपालिकाले खेलाडीहरुलाई सम्मान सहित धन्यवाद ज्ञापन गरेको हो ।
नगरपालिकाले बर्दगोरिया गाउँपालिकामा बर्दगोरिया स्पोर्ट्स एण्ड इभेन्टसको आयोजनामा सम्पन्न प्रथम मुख्यमन्त्री पालिका स्तरीय जिल्ला ब्यापी फुटबल प्रतियोगितामा दुई टिम सहभागी गराएको थियो । जसमा घोडाघोडी निलो उप बिजेता बन्न सफल भएको हो । उपबिजेता बनेका घोडाघोडिका खेलाडीको हौसला बढाउन नगरपालिकाले खादा ओढाएर सम्मान समेत गरेको छ ।
घोडाघोडी नगरपालिकाका नगर प्रमुख खडक रावतले खेलाडीले राम्रो खेल्दा खेल्दै उपबिजेता बन्न पुग्यौ ,आगामी दिनमा अझ राम्रो गर्नु भन्दै बधाई सहित धन्यवाद ब्यक्त गरे । उनले भने खेल हो हार जित हुन्छ ,त्यसैले अझै प्रगती गर्दै नगरपालिकाको नाम उचाईमा राख्न खेलाडीहरुलाई आग्रह गरे ।
