बौनिया । नेपाली काग्रेसको भातृ संगठन नेपाल तरुण दल बर्दगोरियाको सभापतिमा निर्प साउँद नियुक्त भएका छन । आईतवार जिल्ला अध्यक्ष निराजन खडका सहित पार्टीका नेता कार्यकर्ताले बर्दगोरियामा एक कार्यक्रमका बिच साउँदलाई गाउँपालिका सभापतिमा नियुक्त गरेका हुन । क्षेत्रीय सभापति दिनेश भण्डारीको अध्यक्षतामा भएको कार्यक्रमका प्रमुख अतिथि नेपाल तरुण दल जिल्ला सभापति निराजन खडका रहेका थिए । कार्यक्रममा बोल्दै जिल्ला सभापति खडकाले तरुण दलले वडा र टोलस्तरमा तरुण दलको विस्तार गर्न सुझाव दिए । लामो समयदेखि अधिवेशन हुन नसकेको तरुण दलमा बर्दगोरिया गाउँपालिका वडा नं २ का साउँद सभापतिमा नियुक्त भएका हुन् । जिल्ला कार्यसमितिले बर्दगोरियामा आईतवार पदभार ग्रहण कार्यक्रमको आयोजना गरेको हो ।

प्रमुख अतिथी जिल्ला सभापति खड्काले नवनियुक्त सभापति साउँदलाई बधाई दिँदै बर्दगोरियाका ६ वटै वडाहरुमा सबै तरुण युवालाई मिलाएर संगठन विस्तार गर्नुपर्ने बताए । नेपाली काङ्ग्रेसका नेता प्रमोद मल्लले स्वागत गरेको कार्यक्रममा नेपाली काङ्ग्रेस जिल्ला कमिटी सदस्य सुशील शाही, क्षेत्रीय सचिव बृजेश रावल, महिला नेतृ ललिता भट्ट , श्याम कुमारी चौधरी, तरुण दल घोडाघोडी सभापति महेन्द्र शाह लगाएत तरुण दलका नेताहरुको उपस्थिति रहेको थियो । कार्यक्रमको सञ्चालन धिरज शाहिले गरेका हुन् ।