कैलाली। कैलाली जिल्लाको बर्दगोरिया गाउँपालिकामा पानी पिचको कार्य सुरु भएको छ। मंगलबार बाट बर्दगोरिया वडा नम्बर ६ को जोकाईमा पानी पिचको कार्य सुरु भएको हो । बर्दगोरिया गाउँपालिका वडा नम्बर ६ को आर्थिक बर्ष २०८०/०८१ को पानी पिच निर्माण गर्नको लागि बजेट बिनोजन गरेको थियो र उक्त कार्य सहजरुपमा समाधान गर्नको लागि समिति गठन गरिएको छ।
समितिका अध्यक्ष ध्वज बहादुर सुनारको अध्यक्षतामा सुरु भएको कार्यक्रममा प्रमुख अथिति बर्दगोरिया गाउँपालिकाका अध्यक्ष कर्ण बहादुर कुवँर रहनु भएको थियो भने बिशिस्ट अथिति बर्दगोरिया गाउँपालिका वडा नम्बर ६ का वडाध्यक्ष राम कृष्ण डगौरा थारु (रञ्जित) रहनु भएको थियो ।
पालिकाको वडा नं नम्बर ६ को जोकाहि बाट सञ्चालन हुँदै गरेको यस वर्षको पहिलो बाटो सुधार तथा मर्मत कार्यको शुभारम्भ गर्दै पालिकाको १ देखि ६ वडा सम्म कुनै पनि सडक नछुटने प्रत्येक गल्ली गल्ली पानी पीच गर्ने प्रतिवद्धता जनाउँदै गाउँपालिका अध्यक्ष कर्णबहादुर कुँवरले नियमित काम अगाडि बढाउन निर्देशन दिँदै स्थानीयहरुको समेत यो कार्यमा साथ सहयोगको अपेक्षा समेत रहेको बताउनु भयो । जनतालाई सहजहोस् भनेर हामीले पानी पिच सुरु गरेका हौ कुँवरले भने हामी सबै मिलेर बनाउदा काम गर्ने लाई सहज हुन्छ । पालिका अध्यक्ष कुवँरले जनतालाई सडकको छेउमा गाई , गोरु लगायतका पशु पन्छी र ढुङ्गा,बालुवा ,इट्टा जस्ता सामाग्री सडकको छेउमा नराखीदिन अनुरोध गर्नु भएको छ ।
यसैगरी बर्दगोरिया गाउँपालिका वडा नम्बर ६ का वडाध्यक्ष डगौरा थारुले हामीलाई बर्दगोरिया गाउँपालिकाले सुरुमा हाम्रो वडाबाट सुरु गरेकोमा धेरै खुशी लागेको बताएका छन् । हामी बर्दगोरिया गाउँपालिका वडा ६ लाई हामी नमुना वडा बनाउनको लागि वडा नम्बर ६ का जनताले साथ र सहयोग गर्ने छन् भन्ने आशामा रहेको डगौरा थारुले बताए।
बाटो पानी पीच गर्नु पूर्व गाउँ भित्रका सडक छेउछाउमा गाईगोरु नबाध्न अन्य सामान नराख्न बर्दगोरिया गाउँपालिका वडा नम्बर ६ का वडा अध्यक्ष रामकृष्ण डगौराले ३५ दिने सुचना जारी गरेका थिए । जस अनुसार उक्त पानी पीचको कार्य यस आर्थिक वर्ष ०८०/०८१ बिनियोजित बजेत बाट जोकाही देखि राजिपुर सम्म ४ किलोमीटर बाटो पानी पीच हुने भएको छ ।
उक्त पानी पिच गर्ने कार्यमा बर्दगोरिया गाउँपालिकाका इन्जिनियर अभिषेक रिमाल ,राजेन्द्र कठरिया लगाएत बर्दगोरिया गाउँपालिका वडा नम्बर ६ का समाजसेवीहरुको सहभागिता रहेको थियो ।
