कैलाली। कैलालीको बर्दगोरिया गाउँपालिका वडा नम्बर २ को नवनिर्मित भबनको उद्घाटन बर्दगोरिया गाउँपालिका अध्यक्ष कर्ण बहादुर कुँवरले गर्नु भएका छ। वडा नम्बर २ का अनुसार बर्दगोरिया गाउँपालिका वडा नम्बर २ को भवन निर्माणको लागी धनगडी निवासी गणेश रावतले ३ कट्टा जग्गा सहयोगमा बर्दगोरिया गाउँपालिकाको करिब ८५ लाखको सहयोगमा निर्माण भएको भवनको उद्घाटन भएको हो। जग्गा सहायोग दाता गणेश रावतले २०७५ सालमा सहयोग गरेका थिए र उक्त जग्गामा शिलालेख २०७७ सालमा बर्दगोरिया गाउँपालिका वडा नम्बर २ का पूर्व अध्यक्ष भिक्खु चौधरीले गरेका हुन्। कार्यक्रमका प्रमुख अतिथि पालिका अध्यक्ष कर्णबहादुर कुँवरले हामीले हाम्रो पालिकालाई नमूना बनाउनको लागि रात दिन नभनेर लागि परेको छौ अब हामीसँग आफ्नै कार्यालयबाट जनतालाई सेवा दिन बाँकी ३ नम्बर वडा रहेको बर्दगोरिया गाउँपालिका अध्यक्ष कर्ण बहादुर कुँवरले बताएका छन् । कार्यक्रममा बर्दगोरिया गाउँपालिका वडा नम्बर २ का वडा सचिव लक्ष्मण बोहराको स्वागत मन्तव्य गरेका थिए। कार्यक्रममा वडा नम्बर १ का वडा अध्यक्ष मिथुन गौतम, बौनिया गाउँका भलमान्सा खडक चौधरी, बौनिया बजार व्यवस्थापन समिति अध्यक्ष अमर बहादुर बम, नेकपा माओवादी केन्द्र बर्दगोरिया गाउँ कमिटी अध्यक्ष रामबहादुर साउँद र नेकपा एमाले बर्दगोरिया गाउँ कमिटी अध्यक्ष मधुकर सिजापतिले आफ्नो मन्तव्य राखेका थिए। वडाध्यक्ष गोविन्द विकको अध्यक्षतामा भएको कार्यक्रम बर्दगोरिया गाउँपालिका उपाध्यक्ष गणेशराज गिरी विशिष्ट अतिथि रहनुभएको थियो। कार्यक्रममा विभिन्न संघसंस्था‌, भलभान्सा, चिरागी तथा वडा नम्बर २ का बुद्धिजीवी समाजसेविहरुको उपस्थिति रहेको थियो कार्यक्रम सञ्चालक बर्दगोरिया पत्रकार मञ्चका अध्यक्ष पदम ओझाले गरेका थिए।