कैलाली । नेपाली काँग्रेस कैलाली जिल्ला कार्यसमितिको बैठकमा दुई नेताहरू बिच माइन्यूट खोसाखोस भएको छ । जिल्ला सभापति तथा राष्ट्रिय सभा सदस्य नारायण दत्त भट्ट र उप–सभापति भीम बडूवाल बिच जिल्ला कार्यसमिति बैठकमा बिहिबार माइन्यूट खोसाखोस भएको हो । माइन्यूट खोसाखोस हुँदा जिल्ला कार्यसमितिको बैठक नबसी स्थगित भएको छ ।
नेपाली काँग्रेस जिल्ला कार्यसमितिको बैठक कैलालीको मोहन्याल गाउँपालिका–१ चोसेकाँडामा राखिएको थियो । जिल्ला कार्यसमितिको बैठकमा उप–सभापति भीम बडूवालको नाम माइन्यूटमा उल्लेख नभए पछि विवाद सृजना भएको थियो । बैठक सुरु नहुँदै उप–सभापति भीम बडूवालले माइन्यूट आफ्नो कब्जामा लिएका थिए । आफ्नो नाम किन माइन्यूटमा उल्लेख नगरिएको भन्दै सभापति नारायण दत्त भट्ट सँग उप–सभापति भीम बडूवाल झोकिएका थिए । जिल्ला अनुशासन समितिले अनुशासन कारबाहीको लागी प्रदेश अनुशासन समितिमा पत्र पठाएको हुँदा बडूवालको नाम माइन्यूट मा उल्लेख गर्न नसकिने सभापति नारायण दत्त भट्टको भनाई थियो । विज्ञापन जब सम्म प्रदेश अनुशासन समिति बाट पत्र आउँदैन तब सम्म नाम माइन्यूटमा उल्लेख नगर्ने उनले बताए ।
यता बडूवालले भने कारबाहीको लागी सिफारिस गरेको पत्र प्रदेश अनुशासन समितिमा पुगे पछि हामीहरू बिच एक आपसमा छलफल भएको, यस कुरालाई अगाडी नबढाउने कुरा भएको र समझदारी हुने गरी काम कारबाही अगाडी बढाउने भनेर पठाएको उनको दाबी छ । केही छिन बैठकमा सभापति भट्ट र उप–सभापति बडूवाल बिच बोलाबोल समेत भएको थियो । श्रावण २२ गते पार्टी सभापति नारायण दत्त भट्टले कैलाली क्षेत्र नम्बर ४ का नेताद्वय लोकराज पाण्डे (आगो) र सुरत बहादुर कार्कीलाई कारबाही गरिए पछि उपसभापति भीम बडूवालले कारबाही विधिसम्मत नभएको भन्दै लेटर प्याडमा अर्को सूचना जारी गरेका थिए । त्यसै दिन देखी सभापति नारायण दत्त भट्ट र उप–सभापति भीम बडूवाल बिच खुल्ला रूपमा मतभेद हुन सुरु भएको हो ।
कैलाली जिल्ला अनुशासन समितिले भद्रा २६ गते उप–सभापति भीम बडूवालले जिल्ला कार्यसमितिको पत्र,चलानी नं. र छाप अनाधिकृत रूपमा प्रयोग गरेको भन्दै प्रदेश अनुशासन समिति सुदूरपश्चिम प्रदेशमा पत्र पठाएको थियो । त्यस बिचमा सुदूरपश्चिम अनुशासन समिति र एक आपसमा छलफल भएको, यस कुरालाई अगाडी नबढाउने कुरा भएको र समझदारी भए अगाडी जान निर्देशन दिएको बताइएको छ ।
भिडियो सहित हेर्नुहोस्
