कैलाली । शिवपार्वती सामुदायिक वनको समाचार प्रशारणपछि डिभिजन वन कार्यालय पहलमानपुरले चासो देखाएको छ । कैलालीको बर्दगोरिया-४ सुन्दरपुरस्थित शिवपार्वती समुदायिक वन पदाधिकारीको मिलेमतोमा दिउँसै काठ तस्करी : लाखौंको कर सरकारलाई तिर्दैन् (फ्लोअप ) वैज्ञानीक मिडिया समाचारकाे प्रभाव: शिवपार्वती सामुदायीक वनमा करदाता सेवा कार्यालय लम्कीकाे छापा शीर्षकको समाचार वैज्ञानिक मिडियाले प्रकाशन गरेको थियो ।
डिभिजन कार्यालय पहलमानपुर र सबडिभिजन कार्यालय साडेपानीको टोलिले सो सामुदायिक वन क्षेत्रमा गस्ती गरेको हो । गस्तीपछि सबडिभिजन वनले बहुमूल्य जातका सिसौका चारवटा रुख काटिएको र ठुटा मात्र बाँकी रहेकोे अवस्थामा फेला पारेको जनाएको छ ।
सामुदायिक वनमा सिसौका चारवटा रुख काटिएको र ठुटा मात्र बाँकी रहेकोे अवस्थामा फेला परेको हुँदा सो रुखहरु कहिले, कसले र किन काटेको हो ? छानबिन गरि दोषीलाई कारबाही गरि पत्र पाएको तीनदिन भित्र यस कार्यालयमा लिखित रूपमा जानकारी गराउन हुन र यस पत्र बमोजिम जानकारी नआएको खण्डमा वन ऐन २०७६ तथा नियमावली बमोजिम कारबाही हुने कुरा यसै पत्र मार्फत जानकारी गराइन्छ, पत्रमा भनिएको छ ।
यसअघि सो सामुदायिक वनले संस्था दर्ता भइसकेपछि पनि वर्षौंसम्मको आर्थिक कारोबारको करचुक्ता नगरि राजस्व छलि गरेको पाइएको छ । कर कार्यालयमा दर्ता नभई लाखौंका बिल काटेको समाचार प्रसारण भएपछि करदाता कार्यालय लम्कीकाे टोली सामुदायिक वनमा पुगेको थियो ।
२०६६ सालमा दर्ता भएको सामुदायिक वनमा १४ वर्ष पछि करदाता सेवा कार्यालयमा दर्ता नभएको खुलेको छ । अनुगमन टोलीमा खटिएका नायब सुब्बा रामबहादुर विक लगाएको टोलीले दर्ता नभई काटिएका बिल, ठेली बरामद गरेको बताए ।
नायब सुब्बा विकका अनुसार सात दिन भित्र करदाता सेवा कार्यालयमा दर्ता गर्न भनी पत्र छोडेर आएको बताएका छन् । आवश्यक कागजपत्र सहित दर्ता हुन नआएमा कानून बोमोजीम कारबाही प्रक्रिया अगाडि बढाइने बताए ।
