
कैलाली। कैलाली जिल्लाको बर्दगोरिया गाउँपालिकामा रहेको श्री सहयोगी बेलुवा यूवा क्लवले अनलाईन हाजीर जावफ प्रतियोगिता संञ्चालन गर्ने भएको छ ।
आज देखि प्रत्येक शूक्रवार बेलुका ८ बजे क्लवको फेसबुक पेज मार्फत खेल खेलाईने क्लबका अध्यक्ष महेश रावलले बताए ।
२०७९ बैशाख १९ गतेका दिनस्थापना भएको उक्त क्वल सांस्कृतिक कार्यक्रम, निशुल्क स्वास्थ्य शिविर, सरसफाई अभियान , विद्यालय स्तरीय नि.मा.वी. तह हाजीर जावफ प्रतियोगिता,घैटो फोड कार्यक्रम, बालबालिकाहरुलाई टिउसन कक्षा संचालन लगायतका बिभीन्न कार्यक्रमहरू सञ्चालन गरिरहेको क्लवका सचिव आशिका बुढाले बताइन्।
वडा नम्बर ५ मा अवस्थित यस क्लवले बौनियामा रहेको आदर्श सामूदायिक विद्या मन्दिरको आर्थिक सहयोगमा अनलाईन हाजिर जवाफ प्रतियोगिता सुरु हुन लागेको हो । सबै भन्दा धेरै प्रश्नको जवाफ दिने प्रतियोगीलाई एक सयको रिचार्ज र त्यस पछि दोश्रोलाई रु ५० को रिचार्ज मार्फत पुरुस्कार गर्ने उपाध्यक्ष पूजा कार्किले बताइन् साथै पुरस्कार व्यवस्था गर्नू भएकोमा आदर्श सामुदायिक विद्या मन्दिरका प्रिन्सिपल बिकास थापालाई युवा क्लबका पधाधिकारीहरुले धन्यवाद व्यक्त गरेका छन् ।