कैलाली । कैलालीको बर्दगोरिया गाउँपालिका वडा नं ४ नौनियाँ क्षेत्रमा चिसो बढेपछि चोकचोकमा दाउरा वितरण गरिएको छ। पुरैना सामुदायिक वनले चोकचोकमा आगो ताप्ने व्यवस्था मिलाएको हो। 
तराई क्षेत्रमा विगत केही दिनयता चिसो बढेको छ। हुस्सु, कुहिरो तथा शीतलहरले जनजीवन कष्टकर भएपछि सामुदायिक वनले रूखका जरा चोकचोकमा आगो ताप्ने व्यवस्था मिलाएको हो। पुरैना सामुदायीक वन उपभोक्ता समुहका अध्यक्ष एकेन्द्र साउँदले ट्याक्टर र जेसिबीको सहयोगमा सामुदायिक वनबाट दाउरा गाउँका चोकमा आगो ताप्ने व्यवस्था मिलाएको जानकारी दिए।
सामुदायिक वन अध्यक्ष साउँदका अनुसार सामुदायिक वनका उपभोक्ता सर्वसाधारणलाई आगो ताप्ने व्यवस्था गरिदिनुपर्यो भनी विभिन्न उपभोक्ताबाट माग भएपछि दाउरा उपलब्ध गराइएको अध्यक्ष साउँदले जानकारी वैज्ञानिक मिडियालाई जानकारी दिएका छन्।
ढलेका रुख र रूखका जरा खनेर चोकचोकमा दाउरा वितरण गरिएको अध्यक्ष साउँदको भनाई छ। ‘‘माघी पर्वको पूर्वसन्ध्यामा गाउँगाउँमा मुढा बाल्ने चलन छ”, उनले भने, “चिसो बढेकाले नागरिकलाई राहत होस् भनी दाउरा वितरण गरेका हौं।” कोटागढी बजारका दुईवटा चोकमा दाउरा वितरण गरिएको छ भने पालिकाको वडा नं ४ का विभिन्न टोलहरूमा दाउरा वितरण गरिएको गरिएको छ।
चिसो बढेकाले वनसँगै जोडिएका गैरउपभोक्तालाई पनि दाउरा उपलब्ध गराउने गरेका छौँ।” चोकचोकमा आगो बालेमा बाटोमा हिँड्ने नागरिकलाई समेत सुविधा हुने स्थानीय बताउँछन्। सामुदायिक वनमा अहिलेसम्म ६ सय ३० जना उपभोक्ताहरू आबद्ध रहेका छन् ।
