कैलाली। नेकपा एमाले सम्बद्ध राष्ट्रिय युवा संघ नेपाल कैलालीको जिल्ला अधिवेशन आगामी १७ गते हुने भएको छ । राष्ट्रिय युवा संघ नेपाल कैलाली आयोजक कमिटीको हिजो धनगढीमा बसेकाे बैठकले १७ गते जिल्ला अधिवेशन गर्ने निर्णय गरेको राष्ट्रिय युवा संघ नेपाल कैलाली जिल्ला इञ्चार्ज अरुण कुवरले जानकारी दिनु भएको छ ।
राष्ट्रिय युवा संघ नेपाल कैलालीको नवौँ अधिवेशन जिल्लाकाे मध्यवर्ती क्षेत्रमा रहेको सुखडमा आयोजना गर्ने निर्णय भएको आयोजक कमिटी संयोजक एवम् कैलाली जिल्ला अध्यक्ष शिवराज चन्दले बताएका छन् । चन्दले अधिवेशनको सफल बनाउन बिभिन्न उपसमिति समेत गठन गरिएको बताए ।
चन्दका अनुसार कैलालीमा करिब १३ बर्ष पछि राष्ट्रिय युवा संघ नेपालको अधिवेशन हुन लागेको हाे । चन्दका अनुसार अधिबेशन पश्चात् आउने नयाँ कमिटीले संगठनलाई थप मजबुत बनायर लानेमा बिश्वस्त रहेको कुरा बताए ।
