कैलाली । कैलालीको बर्दगोरिया गाउपालिका वडा नम्बर १ ले रोडको छेउछाउमा गाई गोरु तथा जथा भावी सामान न राख्न निर्देशन गरेको छ ।
गाउँ भित्रका सडक छेउछाउमा गाईगोरो नबाध्न र नालमा फलफुल,तरकारी खेती नग्रन एक सुचना जारी गर्दै वडा अध्यक्ष तथा गाउँ सरकारका प्रबक्ता मिथुन गौतमले निर्देशन गरेका हुन ।
उनले भने साघुरो सडक छेउछाउमा गाईगोरु बाधेमा दुर्घटना हुने हुदा अब उपारान्त त्यसो नगर्न निर्देशन गरेका हुन । बर्षातको समयमा हुने समस्या जस्तै नाला थुनिनुले जथाभावी पानी(पानी हुने र डुबानको समस्या उत्पन्न हुने हुदा सडक छेउछाउ र नालामा तरकारी अन्नबाली र ढुङ्गा बालुवा नथुपार्न आग्रह गरेका छन ।
साथै बर्षातको समयमा सडक छेउछाउमा अन्नबाली र तरकारी बाली रोप्ने कार्यले सवारी साधन आवगमनमा समस्या सिर्जना हुने, र सडक छेउछाउ भत्किनुका साथै दुर्घटनाको जोखिम समेत रहने हुदा अब उपरान्त त्यस्तो कार्य नगर्न नगराउन सुचनामा उल्लेख गरिएको छ ।
यसै गरि सबै स्थानिय जनताले आ(आफ्नो घर अगाडिका नाला थुनिएको पाईएमा सरसफाई गरि सहयोग गर्न समेत वडा अध्यक्ष गौतमले अपिल समेत गरेका छन । यदि कसैले अटेर गरि यस्तो कार्य गरेमा कानुन बमोजिम कार्बाही गरिने समेत सुचनामा उल्लेख गरिएको छ ।
