कैलाली । विगत देखि नै अशान्त रहेको टिकापुरमा गत माघमा प्रहरी नायब उपरीक्षक (डिएसपी) उद्वव सिंह भाट आएसँगै अपराधिक घटनामा कमी आयो ।
बिगत देखिनै अपराधिक घटना बढी हुने क्षेत्रका रुपमा चिनिने टिकापुरमा भाटको कमाण्डले घटनालाइ मत्थर बनायो ।
डिएसपी भाटको आगमनले शान्त बनेको टिकापुरमा फेरि अपराधिबक क्रियाकलापहरु बढ्दै गएका छन्।
हालै थुना मुक्त भएका नागरिक उन्मुक्ति पार्टीका संरक्षक रेशमलाल चौधरीलाई स्वागत गरेको भिडियो सामाजिक सञ्जालमा भाइरल भएपछि आलोचित भएका डिएसपी भाटको ४ महिना मै सरुवा भयो।
भाटको सरुवा भएपछि टिकापुर प्रहरीको कमाण्डमा आए डिएसपी तुलसीराम अर्याल अर्याल टिकापुर आएसँगै अपराधिक घटना बढ्दै गएको स्थानियहरुको गुनासो छ।
उसो त अर्याल टिकापुर आएकै दिन टिकापुर क्षेत्रमा अपराधिकका नाइके भनेर चिनिने जयन्द्र शाहको समुहले अर्याललाई स्वागत गरेको र अर्यालले कार्यालयमा नै मासुभात खुवाएर शाहलाई पठाएको आरोप उनीमाथि छ।
डिएसपी अर्याल आएपछि मात्रै ५ ठूला घटना
घटनाः १
गत असार १९ गते दिउँसो ४ बजेपछि सशस्त्र प्रहरी बलको टीकापुरस्थित तालिम केन्द्रकै छेउमै स्कुलबाट आउँदै गरेका एक किशोरलाई अर्का किशोरले रड प्रहार गरे ।
रड प्रहार गर्ने किशोरको समूहले टाउकोमा प्रहार गर्दा गम्भीर घाइते भएका ती किशोर अहिले पनि उपचारका क्रममै छन् । घटनामा संलग्न मध्ये केहीलाई प्रहरीले मुद्दा दायर गरेको छ ।
घटनाः २
टीकापुर नगरपालिका वडा नं. १ ज्योतिनगरको मुख्य सडकमा साउन ३ गते केही किशोरहरु साइकलमा जाँदै थिए ।
अर्कोतर्फबाट अर्का किशोर पनि साइकलमा आउँदै थिए । दुबै किशोरको साइकल आपसमा ठोक्कियो । त्यही साइकल ठोक्किएको विषयमा दुबै किशोरबीच झडप भयो ।
झडपका क्रममा एक किशोर गम्भीर घाइते भए । प्रहरीका अनुसार ती किशोरलाई नक प्रहार भएको थियो ।
घटनाः ३
युवा संघका जिल्ला सदस्य बमबहादुर ओली र एमालेका जिल्ला कमिटी सदस्य प्रकाश खड्कामाथि खुकुरी आक्रमणमा भएको थियो । यो घटनामा संलग्नलाई प्रहरीले हालसम्म पक्राउ गर्न सकेको छैन ।
घटना : ४
हिजो (शुक्रवार) दिउँसो झण्डै ४ बजेको समयमा इलाका प्रहरी कार्यालयबाट ५ शय मिटरको दुरीमा रहेको टीकापुर नगरपालिका केन्द्रसँग जोडिएको रारामार्गमा एक किशोरले अर्को किशोरलाई छुरी प्रहार गरे ।
१८ वर्षीय एक किशोर र १७ वर्षीय अर्को किशोरबिच फेसबुक म्यासेन्जरमा कुराकानीको क्रममा १७ वर्षीयले १८ वर्षीयलाई ‘भाई’ भनेर कुरा गर्छ ।
त्यही भाइ भनेकै आधारमा दिनदहाडै मुख्य बजार क्षेत्रमै १८ वर्षीयले १७ वर्षीयमाथि छुरी प्रहार गर्छन् ।
स्थानीय प्रत्यक्षदर्शीले छुरी प्रहार भएको खबर प्रहरीलाई दिए पनि घटनामा छुरी प्रहार नभएको प्रहरीले दावी गरिरहेको छ ।
घटना : ५
गत असाढ २८ गते लाम्कीचुहाकी एक युवती बेवत्ता भइन। त्यसको दुई दिनपछि उनको शव जानकी गाउँ पालिकाको कुलमा फेला पर्यो।
पानी भित्र खुट्टामा कम्मल लटपटिएको अवस्थामा लास फेला पारेको थियो जुन भिडियो स्थानियले खिचेका थिए। तर प्रहरी ले प्रमाण नष्ट गर्नकै लागी लास मात्रै उठएको तर लास संग फेला परेको प्रमाणहरु केही पनी नलिएको र दोस्रो दिन स्थानिय ले नै कम्मल उठएपछि २ दिन पछी फेरी प्रहरी आएर त्यो कम्मल लगेको बताइएको छ ।
यो घटनामा माइती पक्षले छोरीको हत्या नै गरिएको भन्दै प्रहरीमा किटानी जाहेरी समेत दिएका थिए। तर प्रहरीले नै मुद्दा दर्ता नगरेको पिडित पक्षको आरोप छ।
यसै विषयमा हामी डिएसपी अर्यालसंग घटना बारे बुझ्न गएका थियौ तर अर्यालले सबै प्रवक्ता मार्फत बुझ्नु भन्दै पन्छिएका थिए।
त्यसको आधा घण्टा नबित्दै डिएसपी अर्यालले पत्रकारहरु आएर गए समाचार लेख्छन होला रोकिदिनु पर्यो भन्दै टिकापुरका एक अपराधिक समुहकै संरक्षक नेता लाई फोन गर्न समेत लगाएका थिए।
डिएसपी अर्याल टिकापुर हाजिर भएको साउन २५ गते २ महिना पुरा हुदै छ। अर्यालको २ महिना नपग्दै ४ रड, चक्कु प्रहारका र १ युवतीको हत्या गरी ५ ठुला अपराधिक घटना घटिसकेका छन ।
टिकापुर प्रहरी प्रमुखको कमान्ड अर्यालले समाले पछि टीकापुर क्षेत्रमा आधा दर्जन बढी घटना भएका छन् । तर प्रहरीले घटनामा संलग्न केहीलाई अझै पनि पक्राउ गरेको छैन ।
झण्डै चार महिना टीकापुरमा बसेका डीएपसी उद्धवसिंह भाटको कार्यकालमा टीकापुरमा शान्ति सुरक्षा प्रभावकारी भएको बताउने स्थानीयहरु पछिल्ला घटनाक्रमका कारण टीकापुर अशान्त बन्दै गएकोमा चिन्तित मात्रै छैनन् । उनले अपराधीको संरक्षण गरेको आरोप समेत स्थानीयले लगाएका छन ।
