कैलाली। कैलालीको बर्दगोरिया गाउँपालिकामा श्री कृष्ण जन्माअष्टमीको अवसरमा हरेक वर्ष मनाउदै आएको आकाशे घैटाफोड कार्यक्रम हुने भएको छ । युवाहरुको अभियान स्थानिय कला संस्कृतिको पहिचानू भन्ने नारा दिईएको आकाशे घैटाफोड कार्यक्रम भाद्र २१ गते सडकपुर बौनिया युवा क्लबको आयोजनामा हुने भएको हो ।
कार्यक्रमको लागि बर्दगोरिया गाउँपालिका प्रबर्द्धक तथा बौनिया बजार व्यवस्थापन समिति र बसन्तमुरारी नमूना मावि सहयोगीका रूपमा रहेका छ्न । आकाशे घैटाफोड कार्यक्रम अवलोकनका लागी कैलाली जिल्लाका करीब ३० हजारभन्दा बढि दर्शकले अवलोकन गर्ने आकलन गरिएको छ । बौनियामा घैटोफोड कार्यक्रम गर्दा यहाँको व्यपार व्यवसायमा पनि बृद्धि हुने क्ल्वका महासचिव कृष्ण प्रसाद ओझाले जानाकरी दिए । विगतका वर्षहरुमा जस्तै एक दिन श्री कृष्ण जन्माअष्टीको भोली पल्ट कार्यक्रम संचालन हुने उनले बताए ।
आकाशे घैटो फोडने टीमलाई नगद ५० हजार रुपैया पुरस्कार प्रदान गरीने महासचिव ओझाले जानकारी दिए । यसैगरी पाइप चढाई सफल हुनेलाई ७ हजार १ सय, भुई घैटो फोड्नेलाई ५ हजार १ सय र कुर्सी दौड बिजेतालाई नगद ३ हजार ५ सय रुपैया प्रदान गरिनेछ । यसका साथै कार्यक्रममा स्थानिय कलाकारहरुको सास्कृतिक नृत्य समेत रहने क्लबका अध्यक्ष जीवन बि सि ले जानकारी दिए । बौनियाको आकाशे घैटाफोड अवलोकनका लागी कैलाली जिल्ला भरिका करिब १० हजार दर्शक आउने अपेक्षा गरिएको छ । 
