कैलाली । सहयोगी बेलुवा युवा क्लवको आयोजनामा बुधवारबाट बर्दगोरिया गाउँपालिका वडा नं ५ वेलुवामा रहेको श्री नारायण राष्ट्रिय आधारभूत विद्यालयमा सञ्चालन भएको भुई मट्का फोड कार्यक्रम बुधबार सम्पन्न भएको छ । कार्यक्रममा समावेश दुई वटा खेलहरु मध्य सबैभन्दा महत्वपूर्ण र आर्कषक खेल भुई मट्का फोड रहेको थियो भने कार्यक्रममा बुधवार प्रेम महताराले फुटाएसंगै सो कार्यक्रम सम्पन्न भएको हो । कार्यक्रममा विभिन्न सस्कृतिक कार्यक्रम समेत रहेको युवा क्लबले जानकारी दिएको छ।
यसअघि बुधवार सम्पन्न भएका खेलहरुमा म्युजिकल चेयर तथा कुर्सी दौड महिलाहरुका लागि मात्र सञ्चालन गरीएको थियो त्यसमा प्रथम पबित्रा रोकाय र दोश्रो अस्मिता कार्की सफल भएका हुन् ।
विजेताहरुलाई बर्दगोरिया गाउँपालिका वडा नं ५ का वडाध्यक्ष भोलेराम चौधरी , वडा नं २ का वडाध्यक्ष गोबिन्द बिक र बेलुवा बिकाश समितीका अध्यक्ष जन्म जय रावल लगायतकाले पुरस्कार प्रदान गरेका थिए ।
बेलुवामा क्लव स्थापना भए संगै श्री कृष्ण जन्म अष्टमीको दिन विभिन्न कार्यक्रम आयोजना गरि सञ्चालन हुदै आइरहेको छ ।
जसमा भुइँ घैटा फोड विजेताले ३ हजार ५५ रूपैयाँ र महिलाका लागि कुर्सी दौड प्रथम हुने वीजेताले २ हजार ५५ रूपैयाँ र दोश्रो हुने वीजेताले १ हजार ५५ रूपैयाँ प्राप्त गरेका थिए । आदर्श सामुदायीक विद्या मन्दिर शिक्षक सुनिल भण्डारीले सञ्चालन गरेको कार्यक्रम क्लबका अध्यक्ष महेश रावलको अध्यक्षतमा भएको हो ।
