महोत्तरी । स्थानीय नेतृत्वमा आधारित जलवायु अनुकुलनको छैठो राष्ट्रिय सम्मेलन महोत्तरीको बर्दिवासमा भएको छ । मधेश प्रदेशका पालिकाहरुका जनप्रतिनिधि, प्रदेश सरकार र सरोकारवाला निकायहरुको वाक्लै सहभागीतामा उक्त सम्मेलन भएको हो ।
मानिस, न्याय र सुशासन भन्ने मुख्य नाराका साथ झन्डै १४ वटा गैरसरकारी संस्थाहरुको आयोजनामा भएको उक्त सम्मेलनमा स्थानिय नेतृत्वमा आधारित जलवायुमैत्री विकास गर्न जरुरत देखिएकोप्रती जोड दिइएको छ ।
सम्मेलनमा प्रमुख अथितिकोरुपमा सहभागी हुन आइपुगेका मधेश प्रदेश सरकारका मुख्यमन्त्री शतिश कुमार सिंहले वातावरण अनुकुल विकासको जरुरत भएको वताउदै अब काममा नै लाग्नुपर्ने वताएका छन ।मुख्यमन्त्री सिंहले मधेशमा भुमिगत पानी सुकाउने एउटा कारण भिक्सको रुख भएको जनगुनासो बढीरहेको वेला यस्को विषयमा थप अनुसन्धान गर्नुपर्नेमा जोड दिए ।
तथापी मधेश प्रदेशका धेरैजसो पालिकाहरुले किसानहरुको गुनासोलाई मध्यनजर गर्दै मसला(भिक्स)को रुख निरुत्साहित र बिस्थापन गर्न नीति तथा कार्यक्रम नै वनाएका छन ।युएनडिपिको फुड डिपार्टमेन्ट र अमेरिकाको नेसनल लाईवेरी अफ ईन्स्टिच्युटले गरेको एक अध्यणअनुसार यो रुख वातावरण प्रतिकुल नै हुने निष्कर्ष निकालेको छ ।मधेश प्रदेश जलवायु परिवर्तनका हिसावले आक्रान्त वनिरहेको वेला हरेक स्थानिय तहहरु जलवायुमैत्री विकासमा महत्वपूर्ण रहेको सम्मेलनमा जोड दिईएको थियो ।
