कैलाली । कैलालीको बर्दगोरिया गाउँपालिका वडा नं २ मा रहेको धार्मिक तथा पर्यटकीय क्षेत्र बर्दगोरिया धाममा माघी मेला तथा धार्मिक ज्ञान महायज्ञको आयोजना गरिएको छ । बर्दगोरिया धार्मिक क्षेत्रको प्रचार प्रसार गर्ने र आन्तरिक पर्यटनलाई प्रवद्र्धन गर्न माघी मेला आयोजना गरिएको बर्दगोरिया विकास क्षेत्र तथा संरक्षण मञ्चका अध्यक्ष जगराम चौधरीले जानकारी दिए ।
मेलालाई सफल पार्नका लागि समिति गठनगरि कार्य बिभाजन गरिएको छ । जसको संयोजकमा बलबहादुर साउद, उपसंयोजक लल्तु दास, महासचिव नेत्रराज जोशी, सचिव कृष्णप्रसाद ओझा, कोषाध्यक्ष सुशील शाही, सदस्य अमर बम, कृष्ण दास, सीता चौधरी र खडक डगौरा थारु र प्रसार प्रचार संयोजनमा लिलाराज शाही रहेका छन् ।
मेलाको माध्यमबाट बर्दगोरिया धार्मिक क्षेत्रको विकासका निम्ति माघी मेला संचालन हुन लागेको हो । यहाँ माघीमा परापुर्ब कालदेखि नै ठुलो मेला लाग्ने गरेको छ । विशेष गरी थारु जातिले नया बर्षका रुपमा लिदै आएको माघि मेलामा कैलालीका विभिन्न क्षेत्र र बर्दियाका साथै भारतका तिकुनिया,शिंघाई बाट भक्तजन तथा पर्यटक अवोलकनका लागि आउने गरेका छन ।’
माघ १ गते थारु समुदायले माघी लहानका रुपमा बर्दगोरीया धार्मिक क्षेत्रमा रहेको ताल,पोखरीमा नुहाउने गर्दछ्न । चुरेको फेदी रहेको बर्दगोरिया गाउँपालिका भित्रका पर्यटकीय क्षेत्र बर्दगोरिया धाम, पुरैना ताल, पिरुवा पिकनिक स्थलको मेलाको माध्यमबाट प्रचार प्रसार गर्ने चौधरीले बताए । परापूर्व कालदेखिको पौराणीक महत्व वोकेको बर्दगोरिया बाबा शिव मन्दिर ,ग्वालिनी ,मनियारी , हनुमान गढी ,राम जानकी मन्दिर कन्याराजाको दरबार, साईबाबा मन्दिर, शिब मन्दिर, कुवा,तथा पिरुवा,पुरैना ताल,राम जानकी मन्दिर ,झरझरिया पिकनिक स्थल,ठाकुरद्वारा पिकनिक स्थलको पनि मेलामा प्रचार प्रसार गरिने जानकारी दिए ।
यही पुष २७ गतेदेखि माघ २ गतेसम्म मेला संचालन हुने आयोजकले जनाएको छ । पुष २९ गतेदेखि माघ ६ गतेसम्म श्री भागवत कथा एवं झाँकी प्रदर्शन गर्ने सरोकारवाला बीच बसेएको बैठकले निर्णय गरेको छ । लामो समयदेखि भारतको नौटंकी रामलीला लाग्दै आए पनि पछिल्लो समयमा धेरैले विरोध गर्न थालेपछि यस वर्षदेखि नलाग्ने आयोजकले जनाएको छ। विगत २१ सय वर्षदेखि लाग्दै आएको माघी मेलामा यस पटक स्थानिय कलाकारलाई पहिलो प्राथमिकता र राष्ट्रिय कलाकारका साथै भजन किर्तन प्रस्तुती रहने आयोजकले जनाएको छ ।
मेलामा थारु समुदायका परिकार र कला संस्कृती र मौखिकता झल्काउने भेषभुषा र ,पंचेबाजा सहितको ,झाकि हरु प्रदर्शन गरिने सास्कृतिक बर्दगोरिया विकास क्षेत्र तथा संरक्षण मञ्चका अध्यक्ष चौधरीले बताए ।
