बौनियाँ,_गायक सर्जक तथा संगीतकार दिल रोकायाको लोक पप "पावर रूपैयाँ"गितको म्युजिक भिडियो सार्वजनिक भएको छ । पूर्ण विरहीको स्वरमा रहेको लोक पप गीतमा दिल रोकायाको शब्द र संगीत रहेको छ । भिडियोमा अभिनय साइना वीसी र गणेश आइकलको अभिनय रहेको छ ।
उक्त लोक पप गीतमा झलक संगीतमको/एरेन्ज रहेको छ । गणेशले निर्देशन गरेको भिडियोलाई दिल,पूर्ण, गणेशले निर्माण तथा सम्पादन गरेका छन् । यो म्युजिक भिडियोमा प्रेम सम्बन्धमा हुने गरेको चोखो माया भन्दा पैंसा ठूलो हो पैसाले सबै चिज किन सकिन्छ भन खोजिएको छ। प्रेमप्रेमीका बीचको मिलन बिछोडको प्रसंगलाई उठान गरिएको छ । आलप रेकर्डिङ स्टुडियो अनामनगर काठमाण्डौँमा रहेको आलाप युट्युब च्यानलमार्फत उक्त गीत बजारमा सार्वजनिक गरिएको छ ।
कैलालीको बर्दगोरिया गाउँपालिका–३ का दिल रोकायाको शब्द संकलनमा ४ वटा लोकदोहोरी २ वटा आधुनिक र डिजे गीत २ गरी हालसम्म ८ वटा गीत रेकर्ड भइसकेका छन् । यस्तै, यसअघि दीपक बुढाक्षेत्री र सम्झना लामिछाने मगरको स्वरमा रहेको ‘ओइ मुटु’, बिमल डाँगी र विष्णु मगरको आवाजमा ‘के छ नी हालखबर’ र शंकर बि.क. र मुना थापामगरको स्वरमा ‘अन्त कतै’ बोलको लोकदोहोरी गीत बजारमा आइसकेको रोकायाले बताए । उनले दर्शक तथा श्रोतामाझ छिट्टै आगामी नयाँ लोकदोहोरी गीतको एल्बम बजारमा ल्याउने तयारीमा रहेको जानकारी दिए ।
गीत संगीतप्रति माया र कलाकारिता क्षेत्रमा भविष्य खोज्दै हिंड्ने गीत संगीतप्रेमीलाई प्रोत्साहनको वातावरण हुन नसकेको रोकाया बताउँछन् । कला, संगीतमा अभिरुची राख्ने स्थानीय प्रतिभालाई स्थानीय स्तरबाट नै प्रोत्साहनको वातावरण हुन सकेमा गाँउ समाजमा लुकेर रहेका थुप्रै प्रतिभाहरुको उजागर र विकास गर्न सकिने रोकायाको भनाइ छ । सार्वजनिक मेला, महोत्सव तथा कार्यक्रममा स्थानीय कलाकार, स्रष्टा तथा सर्जकलाई स्थान दिनुपर्नेमा उनको जोड रहेको छ ।(भिडियो सहित)
