नेपालगन्ज — बाँके निर्वाचन क्षेत्र नंं. १ प्रदेशसभा (ख) मा नेकपा एमालेका दुर्गाप्रसाद चौधरी विजयी भएका छन् । उनी निकटतम प्रतिद्वन्द्वी नेपाली कांग्रेसका फूलाराम थारुलाई ८७७मत अन्तरले पराजित गरेका हुन् । प्रदेशसभा सदस्यमा विजयी चौधरी माओवादीका पूर्व डेपुटी कमान्डर हुन् ।
माओवादी केन्द्र छाडेर एमाले प्रवेश गरेका चौधरीले १५ हजार ६५७ प्राप्त गर्दा निकटतम प्रतिद्वन्द्वी फूलारामले १४ हजार ७८० मत पाएको निर्वाचन अधिकृतको कार्यालयले जनाएको छ । प्रदेश क्षेत्र नंं. १ प्रदेशसभा (२) ६५,२५५ मतदाता रहेकोमा ४१, २४३ मत खसेको थियो । यसअघि प्रदेशसभा १ (१) मा माओवादी केन्द्रकी कृष्णा केसी विजयी भइसकेकी छन् ।
